Bagikeun ka Lapak Facebook

Saha ÉtaSenén, 23 Juli 2012 18:54

Didi Pétét

Henteu Laas Kagiles Mangsa

Ku Maruta Bayu
SN
Didi Pétét keur Balanja Buku [Potret: Maruta Bayu]

DIDI Pétét ngahaja ka Bandung, nedunan jangjina ngaluuhan hiji acara dina Pésta Buku Bandung (20/02/10). Dina padungdengan di Pésta Buku mah, Didi Pétét lain diajak nyaritakeun perkara téater atawa perpileman, tapi dipénta pamanggihna ngeunaan Kota Bandung.

“Bandung kudu dipiara alamna, ngarah tetep hégar, asri, tur pikabetaheun. Ayeuna Bandung geus ngahéab, lantaran alamna ruksak. Kaayaan Bandung jeung Jakarta méh taya bédana.” pokna, basa nepikeun pamadeganana ngeunaan Bandung dina acara talkshow “Mereka, Buku, dan Bandung” anu digelar dina Pesta Buku Bandung (PBB) 2010, di Landmark Convention Hall, Jl. Braga 129, Bandung.

Datangna Didi Pétét dina acara PBB 2010, meunang pangbagéa ti nu ngadeudeul paméran. Lian ti medar pamanggihna ngeunaan Kota Bandung nu taun ieu panceg 200 taun, Didi ngedalkeun rasa cintana ka Kota Bandung deuih. Didi, ti leuleutik hirup di Bandung. Jadi, mun ayeuna ningali kaayaan Bandung téh tangtu baé réa robahna.

Didi Pétét, ngaran aslina mah Didi Widiatmoko. Lahirna di Surabaya, 12 Juli 1956. “Sabenerna mah di Surabaya téh ukur milu lahir wungkul, da ari digedékeunna mah di Bandung…’ pokna, ku basa Sunda. Perkara nyarita basa Sunda, geus biasa Komo apan remen jadi tokoh “Si Kabayan” dina pilem-pilem Si Kabayan.

Didi Pétét kasebut aktor anu bisa ngigelan jaman. Karirna henteu pareum kagiles mangsa. Ti mangsa ka mangsa, Didi tetep bisa mertahankeun kaaktoranna kalayan sanggup merankeun rupaning karakter nu luyu jeung kamekaran film. Tangtu baé ieu téh ku lantaran Didi kungsi neuleuman dunya téater, kalayan neuleuman dunya kaaktoran kalayan husu. Ku kituna, lalakon Didi henteu laas kagiles umur.

Mimiti nyongcolangna Didi Pétét téh basa merankeun tokoh Emon dina film “Catatan Si Boy” anu disutradaraan ku Nasri Chepy. Dina éta film, Didi maén jeung béntang utama Onky Alexander. Tina “Catatan Si Boy”, bet terus nyieun pilem anu husus ngangkat tokoh “Si Emon” minangka peran utamana, nyaéta “Catatan Si Émon”. Lebah dieu bisa kasawang kumaha punjulna ékting Didi Pétét dina neuleuman hiji karakter tug nepi ka tina tokoh pembantu saterusna diangkat jadi tokoh utama.

Saterusna Didi Pétét kawilang suksés merankeun tokoh “Si Kabayan”,  kalayan filmna dipikaresep ku balaréa. Dina film “Si Kabayan”, Didi maén jeung artis-artis kayaning Paramitha Rusady, Meriam Bellina, Nurul Arifin, Desy Ratnasari, jeung sajabana.Film séjén Didi Pétét, saperti Cinta Anak Zaman  (1988), nganteurkeun kasuksésanna ngaraéh piala citra minangka aktor pembantu pinunjul.

Kiwari, Didi Pétét jadi dosén di IKJ (Institut Kesenian Jakarta).  Kilang kitu, lain hartina karir kaaktoranna tamat. Sabab, Didi ogé bisa nyaluyulukeun diri jeung para sutradara ngora. Ku kituna, Didi  bisa dipercaya maén dina film Petualangan Sherina (2000), Pasir Berbisik (2001), Rindu Kami Padamu (2004), Banyu Biru (2005), Ketika Cinta Bertasbih (2009), jeung sajabana. Di satengahing kasibukanna ngajar, ngaluuhan ondangan jadi panyatur dina seminar seni peran, Didi tetep mibanda waktu pikeun maén film, sinétron, katut produksi pagelaran téater.

Bérés acara, Didi sempet kénéh kukurilingan néangan buku. Ari nu ditéangna téh, stand buku Sunda pisan.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...