Bagikeun ka Lapak Facebook

Saha ÉtaSenén, 23 Juli 2012 03:14

Penyanyi Lagu Pop Sunda

Riska Prorina, Nineung ku “Amit-amit”

Ku Maruta Bayu
SN
Riska Prorina [Potret: Reisyan Gienewar]

 

DUNYA pop Sunda kungsi nyatet hiji ngaran artis anu ngajaul ngaliwatan lagu “Amit-amit”. Riska Prorina katelahna. Mojang Bandung kalahiran 15 Agustus 1975, anu kungsi sababaraha kali diisukeun maot. Diantarana, Riska kabéjakeun maot lantaran kasetrum. Padahal, Alhamdulillah, nepi ka kiwari ogé Riska masih kénéh jumeneng binarung séhat walapiat.

Hanjakalna, ayeuna mah Riska geus henteu pati aktip deui nyanyi. Mimitina, Riska leuwih konséntrasi kana pancénna ngasuh barudak di TK Kuntum Cemerlang, Jl. Cipaku Indah XL 2, Bandung. Riska ngarasa betah pagilinggisik jeung barudak, tug nepi ka ampir mopohokeun dunya nyanyi anu kungsi nganteurkeun Riska jadi béntang panggung nu pada ngadeugdeug. Sanggeus kitu, Riska dibawa ngumbara ka Balikpapan. Numatak rada langka ka Bandung téh. Mungkas patepung téh basa ramana pupus, 16 Fébruari 2012. Salian ti ngalayad ramana, SN ngawangkong jeung Riska.

Riska Prorina, mimiti nété karir dina widang nyanyi ti jaman nyuprih pangarti di SMP. Sabenerna, ari bakatna mah geus natrat ti Riska diuk dina bangku SD mula. Tapi mimiti daria ngasah kamampuhna basa Riska nyuprih pangarti di SMPN 27 Bandung. Riska milu tandang tur jadi juara kahiji dina Festival Pop Indonésia HAPMI tingkat Kota Bandung 1989, Festival Pop Sunda se-Bandung Raya 1990, Student Pop Singer Tingkat SLTP 1990, jeung salian ti éta. Jadi, warna sorana bisa kabula-kabalé, pop Indonésia, pop sunda, jeung dangdut. Buktina Riska ogé kapilih minangka pinunjul II Festival Penyanyi Dangdut Jawa Barat 1992.

Sabada reumbeuy ku préstasi dina widang nyanyi, ahirna bisa nganteurkeun Riska ka dapur rékaman, tur ngalahirkeun sawatara albeum anu kaitung suksés. Sajabana ti “Amit-amit”, Riska ogé medalkeun albeum “Tara Lana”, “Tunggang Nyeri”, “Jalir Jangji”, jsté. Puguh baé salaku artis sohor, sapopoéna sibuk ngatur jadwal manggung. Suka bungah sakaligus pait-peuheurna manggung, geus kaalaman ku Riska.

Lain sakali-dua kali Riska nyorang lalampahan anu kacida jauhna tur hara-haraeun pikeun manggung. Pon kitu deui, rupaning pangalaman nu matak muringkak bulu punduk di tempat manggung, saperti aya penonton garelut, mobilna dieundeuk-eundeuk ku nu marabok, jsté. Untungna Riska salawasna sok dibaturan ku ibuna. Kamana baé Riska manggung, pasti diaping ku ibuna. Malah ibuna pisan anu sakaligus jadi “manager” Riska Prorina. Jadwal manggung jeung rupaning nu patali jeung kaartisan Riska, ibuna nu langkung uninga batan Riska. Ku ayana pangaping ti sepuhna, Riska bisa daria nyuprih pangarti kalayan nuntaskeun atikan di SMA Pasundan 1 Bandung, sarta nuluykeun ka FIKOM UNISBA tug nepi ka réngséna nyangking gelar Sarjana Sosial.

Sawatara waktu saméméh Riska ngumbara ka Balikpapan, kungsi ngagabung jeung para pangarang Sunda anu ngayakeun keurseus ngarang keur siswa SDN Babakan Lapang, Désa Rancakasumba, Kacamatan Majalaya, Kabupatén Bandung. Dina éta kagiatan, Riska sumping pikeun ngarojong kagiatan. Hanjakal sumpingna rada leuir ku ayana sawatara hal. Antukna, Riska ukur silaturahmi jeung siswa katut guruna, anu masih kéméh narineung kana lagu-lagu Riska.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...