Bagikeun ka Lapak Facebook

Ukur BanyolHeuheuy DeuhSenén, 23 Juli 2012 02:09

Motor Ahéng Mang Étom

Ku Dhipa Galuh Purba

 

Teuing ari bener atawa henteuna mah, da puguh Si Aki téh sok rada rahul jeung mahiwal. Basa taun kamari balik munggah haji, nyaritakeun lalampahanana anu kawilang minculak. Malah bisa digolongkeun kana carita ahéng. Hanjakal pisan, basa tulisanna nyoba-nyoba dikirimkeun ka Pikiran Rakyat, kuring kalah diasongan obat jangar ku Kang Budhiana Kartawidjaya. Pon kitu deui, diasongkeun ka Tribun Jabar, kalah diajakan galungan ku Kang Cécép Burdansyah.

            Kungsi éta ogé ngadéngé, aya télévisi 20 inch, anu regana sapuluh rébu pérak. Ngan mareumanna kudu diképrét ku cai, kawas mareuman kompor. Tapi ari onta anu ngajalankeunna ku ngucapkeun basmallah, tur ngeureunkeunna ku ngucapkeun hamdallah mah asa kakara ngadéngé. Cacakan pantar Mang Étom ogé, anu katelah Doktor otodidak Cigorowék, ngadéngé dongéng Si Aki mah langsung nginum obat nyeri hulu opat tablet sakaligus. Malah béjana, meunang saminggu mah panyakit bengékna ngadadak kanceuh deui. Écésna, Mang Étom téh kawas gering piker ku dongéng onta ahéng di Mekah, sakumaha anu dicaritakeun ku Si Aki.

            Nyorang bulan puasa, Mang Étom béjana meunang ilham. Bari ngabuburit, manéhna ngoprék (deui) motor incuna anu geus aya kana salikur taunna teu bisa dihirupan. Mesinna diudulkeun. Tuluy diutak-atik, sarta dipasang-pasangkeun deui. Sakali mangsa mah kungsi éta ogé salah masang persnéleng sigana. Barang motor digas téh, lain nyemprung ka hareup, tapi kalah ngabelenyeng ka tukang, diadu jeung tukang cingcaw anu kakara ngararisan.

Geus puguh motor téh atuda, basa salikur taun ka tukang ogé, mindeng pisan nyilakakeun. Basa sok dipapaké ku incuna, éta motor kungsi kacaturkeun neumbrag bujur tukang jajamu, beuheung incuna tikait kana sasampayan, nepi ka tikusruk kana kamalir alatan nabrak munding depa. Malah anu ngenes pisan mah, basa gasna teu bisa dikendoran, apan nepi ka sasab asup ka dapur Mang Lurah, ngagéléng Néng Lina anu keur mirun seuneu.

            Poé kasalikur bulan puasa, Mang Étom geus ngaréngsékeun eksperimen anu panganyarna. Cenah mah geus bisa nyiptakeun motor anu ngajalankeunna sarupa jeung onta ahéng dongéng Si Aki. Bédana, motor Mang Étom mah majukeunana kudu ngucapkeun hamdallah, kalayan ngeureunkeunana kudu ngucapkeun basmallah. Sabalikna pisan jeung cara ngajalankeun onta ahéng téa. Tapi saméméh penemuanna diumumkeun, Mang Étom kapaksa kudu ngeureunkeun proyékna ku alatan polah Nini Ocah anu katelah beberenjen.

            Nini Ocah maksa haying nyobaan motor ahéng Mang Étom. Malah bari mamaké kacamata hideung meunang nginjeum ti Si Ook. Teu wudu, matak sareukseuk ngabandunganana, da mamaksa ka Mang Étom. Nya, ahirna mah Mang Étom ogé teu burung ngidinan.

            "Alhamdulillah..." ceuk Nini Ocah, sanggeusna diuk dina motor. Enya baé, ana berengbeng téh, motor bisa maju. Puguh baé Nini Ocah kacida atoheunana. Malah sababaraha kali ngucapkeun deui hamdalah rada tarik. Motor beuki mangpeng majuna.

Srog ka Pasir Haur, Nini Ocah reuwas kareureuhnakeun barang hareupeunana aya gawir lungkawing. Méh baé manéhna poho deui cara ngeureunkeunana. Untung pisan, Nini Ocah éling.

            "Bismillah...!" Pokna rada tarik. Cekiiiit...motor téh eureun. Pas pisan hareupeun biwir jungkrang. Puguh baé Nini Ocah ngarénghap rada meueusan. Tuluy ngusap beungeutna bari ngagerentes, "Alhamdulillah," na atuh ari sebrut téh, motor maju. Teu antaparah deui tigebrus kana jungkrang.

            Kitu tah caritana anu ngalantarankeun Mang Étom teu bisa nuluykeun deui proyékna. Mémang, kuring ogé rada jangar ngabandunganana. Teuing bener, teuing henteu. Nu puguh mah kuring ogé ukur meunang béja ti Malik, sobat dalit basa keur jaman sapapait-samamanis di RSJ. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...