Bagikeun ka Lapak Facebook

Warta SundaTéknologiAhad, 22 Juli 2012 20:43

Tim Berners-Lee

Basajan, Réa Jasana

Ku Dadan Sutisna
SN
Tim Berners-Lee [Potret: isoc-ny.org]

TAUN 1990, aya sawatara kajadian penting nu aweuhanana nepi ka sakuliah dunya. Tanggal 11 Fébruari, Nélson Mandéla, nu kungsi jadi persidén Afrika Kidul, bébas tina panjara sabada dibui 27 taun lilana. Bulan April, teleskop Hubble miang ka langit, dipaké motrétan kaayaan marcapada, hasilna guna pisan pikeun kabeungharan astronomi tur diparaké ku para ahli. Bulan Oktober, Jerman ngahiji. Atuh dina tungtung taun 1990—nu baris diguar dina ieu tulisan—jadi pamiangan medalna téknologi nu bisa ngarobah cara hirup manusa nepi ka kiwari.

        Nu sok aranteng muka Facebook gé, tur unggal usik nyieun status, boa teu terangeun ka nu ngalalanyah dunya maya. Tim Berners-Lee, jalma basajan ti dayeuh London, kawasna teu hayangeun sohor deuih.  Remen kacaritakeun dina média deungeun mah, sikepna nu handap asor, tur henteu “agul ku payung alus”.  Bangun teu haripeut kana pakaya deuih, da geuning panalungtikan jeung hasil karyana, henteu kungsi dipaténkeun, malah dipékbaékeun nepi ka bisa dipaké saha waé. Siga kacatet dina majalah Time édisi “Time 100 People of the Century”, Tim Berners milih kénéh usaha nirlaba ti batan kudu ngeruk untung tina ladang késangna.

Karancagéan Tim Berners dimimitian ti wewengkon pagunungan Alpen Swiss. Harita, taun 1989, fisikawan Tim Berners meunang tugas jadi insinyur software di CERN,  European Organization for Nuclear Research—organisasi Éropah pikeun risét nuklir. Tina anteng ngulik software, diémbohan ku pangalaman di tempat gawé, nya kurunyung idé ngamangpaatkeun pakakas internét keur kapentingan balaréa. Konsépna mah basajan, sangkan sakur informasi téks dina komputer téh henteu ajeg séwang-séwangan, tapi dipuguhkeun pancakakina. Informasi, boh dina kaca nu sarua, boh béda kaca, bisa silih susud silih kait. Teu béda ti indéks dina buku, nu bisa méré pituduh ka lebah mana hiji kecap atawa kalimah nujulna.

Éta gagasan téh, ku Tim Berners terus diwincik jadi proposal. Di labolatorium, make komputer NeXT, Tim Berners mimiti nerapkeun idéna keur kapentingan pagawéan. Janggélék wéh, situs munggaran di alam dunya, nu alamatna di info.cern.ch. Tangtu wé harita mah, nu ngaranna alamat situs téh henteu obyag siga ayeuna.

Hasil panalungtikan Tim Berners téh nepi ka ayeuna dipikawanoh jadi istilah web, atawa website, atawa téknologi informasi nu diaksés ngaliwatan internét. Ari “jeroanana” sok disebut hypertext, atawa dina élmu komputer mah sok disebut basa markup (HTML).

       

        Ngarobah Kahirupan Balaréa            

        Boa Tim Berners teu kungsi engké yén karancagéanana baris nimbulkeun kaahéngan jeung ngarobah cari hirup siga ayeuna. Taun 1990, basa aksés intenét ngaliwatan wéb mimiti diwanohkeun ka balaréa, nu makéna téh ukur sawatara jalma. Ayeuna, 1,8 milyar jalma, atawa 25% ti pangeusi dunya, geus maraké internét.  Di Indonésia, nu maké internét geus nincak 45 juta atawa 19% tina sakumna rahayat.

        Tangtuna gé, ceuyahna nu maké internét—ngaliwatan karancagéan Tim Berners—téh alamat réa mangpaat nu bisa kapetik. Kiwari internét lain ngan dipaké ngaksés informasi sarupaning warta jeung béja, tapi geus bubutuh hirup kaasup balanja, ngulik pangarti, ruang-riung jueng baraya, nepi ka urusan curhat sagala rupa.

        Réa nu ngeruk untung deuih. Teu kurang-kurang nu ngadadak beurat beunghar alatan dibéré cukang téknologi beunang Tim Berners.  Sergey Brin jeung Larry Page, upamana, sabada nyieun Google taun 1994, kiwari jadi jalma jugala tur boga banda leuwih ti 17,5 milyar dolar (157 trilun).  Kitu deui Jeff Bezos nu boga situs Amazon (12,3 miliar dolar), jeung “budak kamari soré” nu ngadegkeun Facebook (4 miliar dolar).

        Nyakséni nu pakepuk ngeruk untung, nu paciweuh nyiar kasab ti dunya maya, bisa jadi Tim Berners ukur imut di nu poék. Padahal mun itungan mah, ménta buruh tina pagawéanana, meureun nya manéhna pisan nu baris pangjegudna téh.

        Tim Berners téh sarjana lulusan universirtas Oxford University, Inggris. Ti keur kuliah kénéh sok uprak-oprék kana komputer, malah geus bisa ngarakit komputer ku sorangan,  maké pakakas urut télévisi. Taun 1976, sabada lulus ti Oxford, kungsi digawé di Plessy Telecommunications Ltd.

            Kiwari Tim Berners kapeto jadi pupuhu World Web Consortium, organisasi nirlaba nu nalingakeun jeung ngamekarkeun téknologi wéb. Ti tukangeun méja gawé, manéhna teu reureuh nalungtik, pikeun nyiptakeun deui téknologi pakéeun balaréa.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...