Bagikeun ka Lapak Facebook

Ukur BanyolCék Bah EnyusAhad, 22 Juli 2012 19:30

Sagala Poho

Ku Bah Enyus

 

Rupa-rupa pisan kalakuan jalma téh. Ti poé kamari. Abah mah tibang gogodeg wé. Geura éta Mang Manta siga jalma anu eusleum. Moal enya atuh, dur magrib kalah ngajakan saur ka Bi Iwah, pamajikanana. Pon kitu deui dina waktuna saur, Mang Manta kalah ngajakan buka. Puguh wéh tarawéhna ogé jadi subuh. Matak ngahariwangkeun saréréa puguh gé.

            "Kajeun teuing ari geus arembung tarawéh mah. Kajeun rék tarawéh baé sorangan di imah!" kitu cenah ceuk Mang Manta saréngséna salat subuh di tajug. Ngingkig bari semu anu ambekeun pisan. Kop kana sendal anu Mang Ustad, kiclik leumpang, maksudna mah rék balik. Sup ka imahna Mang Arnasim, puguh wéh pamajikan Mang Arnasim reuwaseun naker.

            "Rék aya perlu naon, Mang?" kituna téh bari undur-unduran. Mangkaning Mang Arnasimna geus ngaguher deui sanggeus bieu wareg teuing saur.

            "Na silaing téh, kawas lain ka salaki bae!" témbal Mang Manta bari muka kopéahna, tuluy digantungkeun kana paku. Pamajikan Mang Arnasim beuki soakeun.

            Antukna mah pamajikan Mang Arnasim mangprét ka luar bari gogorowokan. Sup, ka imahna Mang Manta. Maksudna mah rék ngabéjakeun kalakuan salakina.

            "Aya naon, Bi?" Bi Iwah tumanya bari rada muncereng.

            "Itu salaki manéh bet nyasab ka imah kuring!" témbalna.

            "Bangkawarah pisan." ceuk Bi Iwah bari tuluy ngingkig ka imah Mang Arnasim.

            Barang anjog ka imahna Mang Arnasim, teu talangké deui Bi Iwah langsung asup. Tapi anehna téh, salakina anu keur siduru di hawu mah teu dirérét-rérét acan. Kalah asup ka tengah imah. Kasampak Mang Arnasim keur ngaguher dina korsi.

"Hudang siah. Ngérakeun pisan, kalah héés di imah batur!" kituna téh bari nguyag-nguyag awak Mang Arnasim. Puguh wéh Mang Arnasim molohok mata simeuteun, bari leungeunna nyusutan biwir anu rada baraseuh.

Ibur salembur, éar sadésa. Kaminculakan Mang Manta jeung Bi Iwah. Barang disaliksik ku kadus Ukar,  anu jadi cukang lantaran pangna Mang Manta jeung Bi Iwah minculak téh, cenah mah alatan poé mangkukna nginum obat sangkan pohoan. Ari maksudna mah, ngarah tibeurang bisa poho barang dahar. Apan ceuk Ustad Otong ogé, barang dahar teu matak ngabatalkeun puasa ari poho mah. Hanjakalna, Mang Manta jeung Bi Iwah mah jadi poho kana sagala rupa.

Matak, abah mah peupeujeuh ka kabéhanana, ulah coba-coba nginum obat pohoan. Enya ogé poho mah moal ngabatalkeun puasa, tapi ari kitu carana mah geus kaasup dihaja. Omat, rék puasa mah puasa wé sacara alamiah. Pikiranna ulah kana lebokeun baé geuranan. Araranéh ieu mah, nurutkeun data BPS (Badan Pusat Statistik), cenah mah bulan puasa téh justru nu mareuli kadaharan téh undakna dua kali lipet. Ongkoh rék ngurangan barang hakan, tapi anéh... anéh... kalah dua kali lipet. Teu ngarti abah mah.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...