Bagikeun ka Lapak Facebook

Saha ÉtaSaptu, 21 Juli 2012 22:20

Syarif jeung Bamus

Ku Dadan Sutisna
SN
SN1342880351.jpg [Potret: ]

Gerakan kasundaan dina wangun organisasi, geus renung ti baheulana. Kiwari, dina alam kasajagatan, beungkeutan nu mawa ngaran Sunda téh penting pikeun némbongkeun idéntitas jeung kalinuhungan Ki Sunda. Pikeun ngaguar deui rupaning tetekon jeung kaarifan lokal budaya Sunda, tur dipaké dadasar dina hirup kumbuh jeung nyanghareupan pajamanan kiwari.

“Tangtosna gé, sanés organisasi halal bihalal, nu ukur ngariung balakécrakan, tos kitu ngereles deui. Kedah aya organisasi kasundaan nu langkung daria, tur napak dina rupaning kagiatanana,” cék H. Syarif Bastaman, S.H., M.BA, pupuhu umum Badan Musyawarah Masyarakat Sunda (Bamus Sunda). Méméhna, ieu organisasi téh dipupuhuan ku Adang Darodjatun. Bulan tukang, Syarif Bastaman dipercaya jadi pupuhu umum nu dipilih kalayan aklamasi.

Dina kapamingpinan Syarif, aya sawatara hal nu bakal dibebenah dina organisasi Bamus Sunda téh. Saperti nu kaunggel dina papagon (anggaran dasar), dina ngokolakeun organisasi, Bamus Sunda ngagem pakem Tri Tangtu di Buana nu diwengku ku Déwan Karamaan, Déwan Karesian, jeung Déwan KaratuanDéwan Karamaan nyaéta badan nu jadi pangaping dina ngaraksa, ngariksa, jeung ngaréksa Bamus Sunda; Déwan Karesian nyaéta badan nu méré kamandang jeung bongbolongan luyu jeung kaparigelanana, pikeun dipaké bahan tinimbangan Déwan Karatuan; ari Déwan Karatuan nyaéta badan nu ngalaksanakeun jeung boga tanggung jawab dina ngahontal visi jeung misi Bamus Sunda sakumaha nu kaunggel dina papagon.

Struktur organisasi siga kitu téh, saenyana mah kungsi dilakonan ku karuhun baheula dina ngalaksanakeun sistim kapamaréntahanana. “Ieu téh kaarifan lokal Sunda nu kudu dipiara,” cék Syarif.

Dina nyanghareupan rupaning parobahan jaman, modérenisasi jeung alam kasajagatan, cék Syarif, urang Sunda kudu boga tetekon pikeun jadi cecekelan. Rupaning kaarifan lokal budaya Sunda, nu geus pada mopohokeun, kudu diguar deui. “Ayeuna urang téh pan keur tarung, tarung budaya. Ukur bangsa nu bisa nyekel pageuh budayana nu baris makalangan,” pokna. Ku kituna, gerakan Bamus Sunda kudu diwewegan ku gerakan kabudayaan. Ajén-inajén kasundaan kudu bisa témbong.

Meujeuhna mun urang ngeunteung ka urang deungeun. Geura wé Jepang, Cina, atawa India, kahirupanana pan geus sarwa modéren. Tapi tetep mihormat jeung mupusti budayana. Mun Jepang boga ajén-inajén tradisi, Sunda gé pan geus nyampak. Tinggal leukeun nyungsi, nalungtik, jeung ngalarapkeun dina kahirupan.

“Mun diwincik mah, nu disebut urang Sunda téh aya kana 80 jutana, kaasup nu di luar Jawa Barat jeung di mancanagara. Tapi nu bisa basa Sunda kurang ti 20 persén. Ku kituna Bamus Sunda kudu ngarojong sangkan basa Sunda leuwih dihirupkeun deui di saban kota jeung kabupatén.” cék Syarif.

Nurutkeun Syarif, kagiatan sosial kamasarakatan téh sakapeung oriéntasina kana pulitik, jabatan, jeung sabangsana. Ku kituna, najan ayeuna Syarif jadi politisi PDI Perjuangan nu ngantor di senayan, dina ngokolakeun Bamus Sunda mah séjén deui. Teu aya maké organisasi keur kapentingan pulitik. Komo apan Syarif mah pangusaha, tur luyu jeung jangjina dina kampanyeu, najan jadi anggota DPR, gajihna disumbangkeun ka warga Garut jeung Tasikmalaya.

Ieu “Putra Galunggung” nu lahir di Tasikmalaya, Juni 1963 téh, ti keur leutik geus diwewegan ku atikan budaya. Sepuhna aktif dina rupaning kagiatan budaya Sunda, boh kasenianana, boh ajén-inajénna. Sabada lulus ti SMA Negeri 1 Tasikmalaya, Syarif neruskeun atikan di Jurusan Hukum Internasional Universitas Padjadjaran. Sanggeus lulus, kung milu ngagabung jeung kantor hukum Mochtar Kusumaatmaja. Geus kitu ngadegkeun kantor Bastaman and Partner yang kini bagerak di widang investasi, finance, pasar modal, jeung perbankan. Terus ngadegkeun Kelompok Usaha Syabas Group. Taun 1993 mimiti naratas bisnis perkebunan kalapa sawit di Kalimantan nu ngokolakeun 60 rébuan héktar kebon kalapa sawit. Ti dinya terus naratas pertambangan batubara jeung emas. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...