Bagikeun ka Lapak Facebook

Arsip MediaKemis, 12 Juli 2012 06:57

Ratna Sri Handayani

Ku Asep RukmanMaruta Bayu

Kawitna mah sepuhna henteu ngawidian, basa Ratna dipercaya pikeun miang ka Malysia téh. Namung sabada Ratna ngécéskeun sagala rupina, ahirna mah sepuhna ngawidian. Nya, Ratna miang ka Malaysia salami kirang langkung tilu sasih, atanapi saratus dintenan. Naon atuh nu ngajurung Ratna  ngalanglang Nagri Jiran téh? Asép Rukman, wartawan SB, nepangan jinisna ka palinggihanana di wewengkon Soréang. Hayu geura, urang bandungan, kumaha baé hasil wangkongan sareng Ratna téh.

Lengkepna Ratna Sri Handayani. Di wewengkon Soréang baé mah, kawasna moal bireuk deui ka tangtungan ieu mojang téh. Salira jangkung, mapaésaan rupina nu camperenik, kalawan mindeng jadi béntang panggung. Apan Ratna téh salahsahiji penyanyi nu keur meujeuhna dipikaresep. Iwal ti tangtunganna nu matak pikaresepeun panon téh, da soantenna ogé matak genah kana cepil. Jadi, teu kedah héran upama Ratna kantos “ngaranjah” Malaysia téh, da sanés badé ngajakan perang alatan Pulo Ligitan téa. Jaba Ratna mah miangna ogé, basa taun 2002. Harita,  Ratna mémang diangkir pikeun dipentés kamampuh ngolah vokalna di Malaysia, ku tinimbangan préstasina nu kaitung onjoy.

Ti nuju yuswa 12 taun, Ratna tos resep ngadangukeun lagu-lagu Sunda. Malah sajeroning ngadangukeun lagu téh, sok bari diturutan, sakapeung diibingan. Kitu wé, da resep cenah. Anu antukna Ratna neuleuman dunya nyanyi, nepi ka brasna kana musik dangdut. Ieu mojang Soréang nu lahir tanggal 27 Pébuari 1985 téh, basa taun 2000 kungsi jadi pinunjul 2 dina pasanggiri nyanyi HUT PAMMI (Persatuan Artis Musik Melayu Indonésia) sa-kabupatén Bandung. Puguh baé ari di tingkat kacamatan Soréang mah, tilu taun noron, Ratna jadi pinunjul hiji baé, upama aya pasanggiri nyanyi téh.

Ku ayana pangalaman saratus dinten, saratus wengi di Malaysia téa, kaparigelan Ratna langkung kaasah deui. Kiwari Ratna ngagabung sareng grup organ tunggal “Ating Jerri”, anu alamatna di Jl. Cebek, Soréang. Kilang kitu, nurutkeun Ratna, saha baé nu meryogikeun anjeunna, tangtos moal nampik upama situasi sareng kondisina ngawidian mah. Badé langsung ka bumi, mangga. Badp ngalangkungan “Atiing   Jerri” ogé, teu sawios-wios. Tangtosna ogé nu meryogikeun dina widang nyanyi.

Ratna, putra katilu ti genep sadulur, putra Bapa Toto Kosasih sareng Ibu Tati Rokayah, sapopoéna kaasup mojang nu cicingeun. Salangkungan mah kawasna moal aya nu nyangka, ieu mojang téh mibanda kawantér tur pangabisa dina manggung. Tangtuna Ratna bisa ngabédakeun, kumaha carana “berpose” dina kahirupan sapopoé jeung dina panggung. Nya, bilih aya nu panasaran kénéh mah, mending taroskeun baé langsung ka jinisna. SB ogé tadina mah hoyong kénéh ngawangkong, namung Ratna tos tatahar badé manggung. Upama aya nu badé wawanohan  sareng Ratna mah, kintunkeun baé seratna ka Majalah SB, kitu cenah saur ieu mojang nu cita-citana hoyong jadi penyanyi soléhah téh. Insya Alloh, diwaleran, saurna. Wah, upami cita-citana hoyong jadi penyanyi soléhah, tangtos kadituna ogé bakal gaduh cita-cita jadi istri soléhah.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...