Bagikeun ka Lapak Facebook

Sastra SundaÉséyKemis, 12 Juli 2012 19:43

Donny Fahmi Muhammad

Ku Dadan Sutisna

Di antara babaturan lalaki waktu SMU, kuring yakin, nya Donny nu pangbageurna téh. Leket ibadah, sarta teger nyanghareupan kahirupan. Malah, ku lantaran Donny téh babaturan kuring nu pangdeukeutna, ku kulawargana gé kuring geus dianggap kulawarga Donny. Imah mindeng pisan kuring mondok di imahna, salila sakola di SMU. Malah geus kaluar sakola oge, lamun pareng balik peuting, nu dijugjug téh imah Donny.

Ti keur SMP gé, kuring geus ngarasa kumaha bageurna Donny téh. Cicingeun, nyaritana teu weléh lemes. Kuring diwanohkeun ka Donny ku Si Lépét (Asép Firdaus), da ari keur SMP mah teu kungsi sakelas.

Ti keur kelas II SMP kénéh, basa manéhna apaleun kuring sok ngarang, henteu asa-asa nawaran, bisi kuring rék nginjeum mesin tik.

Tangtu baé pikeun kuring mah anjog pisan. Teu kira-kira deuih, kuring sok nginjeum mesin tik téh, da nepi ka sababaraha bulan lilana. Unggal sasadu, Donny teu weléh nyarita: "Mangga wé da ku Donny gé tara dianggo."

Akrab jeung Donny téh basa geus di SMU. Ti kelas hiji kénéh, kuring sakelas malah sabangku jeung manéhna. Nya harita kuring apal pribadi Donny nu sabenerna. Najan kasebut kasép, tapi Donny mah kawas "teu resepeun" ka awéwé. Enya, da nepi ka kelas II SMU téh, can kungsi ngaheureuyan awéwé. Nu matak,kuring gé jadi "kabawa bageur". Nu kasebut sobat lalaki téh tiluan, kuring, Donny jeung Yanto Permana. Tiluanana "acuh tak acuh" ka awéwé téh. Komo ari Si Yanto mah, da puguh nu digugulungna ukur pangajaran.

Nepi ka harita mah, kuring langka balik ka imah (da puguh jauh téa). Nya itung-itung kos, cicing téh sok di imah Donny baé. Komo ari aya PR nu perlu dibadamikeun mah, atawa rék ulangan. Sok asa nineung, jam 3 subuh silih geuingkeun. Magarkeun téh, ngapalkeun subuh mah babari nyerep.

Mémang kuring ngarasa kahutangan budi ku Donny téh. Pangpangna mah, geus ngariweuhkeun milu cicing. Lain ukur cicing wungkul kétang, da puguh dahar gé sok milu. Harita kuring ukur bati ngadunga, mudah-mudah rejeki Donny téh sing beuki nambahan.

Di sakolana, Donny kaasup siswa nu aktip. Organisasi nu diiluanana téh, Pecinta Alam. Nu matak pagawéanana téh asruk-asrukan ka leuweung. Ari kuring, rumasa aktip téh ukur di OSIS wungkul. Teuing kungsi miluan nanaon kagiatan ékstrakulikuler mah.

Kungsi kétang jadi purah nungguan koperasi siswa, babarengan jeung Si Neneng (Nénéng Yunéngsih). Tapi henteu lana, da puguh teu kaur dagangan téh, sok hayang baé ngopian.

Donny remen tetelepék perkara pangajaran matématika. Donny sorangan, di sakolana mah kasebut nu préstasina jajar pasar. Jadi, pikeun kuring mah henteu kasebut saingan. Lamun Si Yanto, "musuh gerot" dina ngudag réngking mah. Ngan nepi kaluarna, anéh, kuring henteu bisa ngéléhkeun manéhna. Da puguh Si Yanto, sakapeung, jurusna téh "pendekatan" jeung guru. Ari kuring, apan sok loba kaéra téa.

Ti kelas hiji nepi ka kelas tilu, jabatanana téh henteu ingkah ti KM. Kungsi ku kuring digonjak, naha bet resep-resep teuing jadi KM? Pokna téh, ambéh babari wawuh jeung guru cenah.

Obrolan geus kana sagala rupa, sajeroning babarengan jeung Donny mah. Lain bae di luar kelas, dalah keur diajar basa Indonésia ogé, tara eureun ngobrol. Da puguh rada pikaseurieun guru basa Indonesia kuring mah (geus ngobrolkeun guru deui). Lamun nerangkeun téh, sok ngalér ngidul. Geura wé, basa keur nerangkeun paribasa "tiada gading yang tek retak", naha atuh, jigna téh kana ngadongéng kahirupan gajah di Sumetra. Nepi ka dua jam tah, ngadongéng gajah gé, bari euweuh hubunganana jeung pangajaran. Iraha teuing aya ulangan, nu penting wawuh, dijamin dina rapot téh peunteun salapan.

Basa nincak ka kelas tilu, kaparengan kuring jeung Donny jadi méntor. Harita jaman kénéh dipolonco, barudak anu rek asup ka SMU téh. Kuring jeung Yunia Nurholisoh, kabagéan ngabingbing kelas 1-2. Tah, di antara siswa anyar téh, aya awéwé pangrancunitna, ngaranna Rani Rhismawati. Kaparengan deuih, Rani téh aya di kelas 1-2, sarta kuring nu ngabingbingna.

Harita kuring jeung Yunia badami, kumaha lamun Rani téh urang "jodokeun" jeung Donny, lantaran ceuk anggapan kuring bakal "nyekrup" pisan, nu geulis jeung nu kasép.

Terus baé Donny téh dihatéan, nepi ka pamustunganana mah, jadi wéh bobogohan jeung béntang SMU téa. Tapi ukur sababaraha bulan hubunganana téh. Teu naon sababna bet terus pegat. Apal kitu mah, kuring asa dosa.

Nya ukur harita-haritana, Donny wawanohan jeung awéwé téh, sakanyaho kuring mah. Ka dituna mah, anteng deui ngurus-ngurus pangajaran.

Sanggeus kaluar SMU, Donny neruskeun ka UNPAD, nyokot jurusan Agribisnis (D3). Harita mah kuring mindeng kénéh tepung.

Malah salila kuliah, Donny mindeng ulin ka imah kuring, ngadon nyieun makalah (da kabeneran harita mah kuring geus boga komputer). Atuh kuring oge, lamun balik digawé téh mindeng ngadon ngéndong di imahna. Sarta terus ngobrol ngalér-ngidul, kumaha keur jaman sakola. Taun 1998, Donny pindah ka Rancaékék. Atuh puguh bae jadi jarang panggih. Kabehdieunakeun, Donny kungsi nyuratan, cenah rék ulin ka imah kuring. Tapi didagoan téh euweuh baé. Kuring sorangan, lantaran loba pagawean, jadi henteu sempet ulin ka imahna.

Panggih-panggih deuih, basa Donny ngabéjaan rék kawin.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...