Bagikeun ka Lapak Facebook

Sastra SundaÉséyKemis, 12 Juli 2012 19:43

Lahir di Kebon Awi

Ku Dadan Sutisna

Saréréa gé moal inget, iraha gubrag ka alam dunya. Ukur cenah apan, cék kolot, cék dulur, atawa cék nu nyaksian harita.

Cenah (ceuk kolot), kuring lahir tanggal 22 Pébruari 1978. Duka téh teuing bener henteuna mah. Ngan baé, harita mah di lembur can usum kalénder, ukur sababaraha urang baé anu sok leukeun ngampihan éta itungan waktu téh. Ari itungan tanggal, nu diinget-inget ku kolot mah taun Hijriah wé. Sagala rupa itungan, boh rék ngadegkeun imah, boh rék ngabaladah sawah, diitung maké tanggal Hijiriah. Da éta cenah, loba tanggal lahir (dina taun Maséhi tangtuna ogé) nu dipaparah, dilelebah. Kadangkala aya nu tara akur, mun diitung maké almanak téh. Sok aya baé géséhna sababaraha poé mah. Ngan can kacaritakeun ari anu géséhna taunan mah.

Bapa kuring, teu apaleun, iraha anjeunna lahir.

"Asana mah tanggal 12 Juli, teuing 24 Oktober!" pokna, basa hiji mangsa ditanya ku kuring. Keun ari tanggal mah, dima'lum kénéh poho ogé. Basa ditanya taunna ogé, ngajawabna téh maké "asana mah".

Ceuk béja kénéh baé, kuring digubragkeun ka alam dunya dina poé Rebo. Rada hayang seuri ngadéngé dongéngna téh. Cenah, indung kuring geus karasa beuteung ti poé Saptu kénéh. Ngan nini kuring mani omat-omatan, budak téh kudu dilahirkeun dina poé Rebo. Teuing naon alesanana, sigana éta mah masalah mitos. Da éta wé, basa poé Salasa indung kuring geus pupuringisan, ku nini mah diulah-ulah. Malah maké jeung bubura ku panglay jeung ngukus sagala rupa keur palakiahna téh.

"Ulah, ulah poé Salasa. Ninggang di seuneu, bakal gedé ambek!" pokna.

Nya ahirna mah, lahir téh dina poe Rebo, wanci janari. Ari imah kuring téh panggung ukuran 5x7 méter, deukeut kebon awi, nenggang ti batur. Inget baé, basa keur budak téh sok ngadéngé sora bueuk ti lebah kebon awi. Ti semet jam tujuh mah, jempling naker di lembur téh. Asa di mana boa. Katambah tacan aya listrik. Saré téh ukur dicaangan ku damar, beunang nyieun tina kaléng. Sumbuna ku lamak urut.

Unggal isuk-isuk, sok kudu baé meresihan irung, da puguh metet ku haseup hideung tina damar. Sakapeung sok saat minyak téh. Tara balangsiar, kajeun mopoék, nungguan isuk bae. Da puguh jauh rék ka warung téh. Matak wegah lumampah. Langka nu ludeung. Nyaéta, kudu ngaliwatan heula kebon kopi anu kabéjakeun aya nu ngageugeuhna (ayeuna mah geus euweuh kebon kopi téh, geus diimahan).

Imah kuring téh pulasna beureum (maké méni wungkul), nyanghareup ka kalér. Hareupeun imah aya balungbang. Peuntaseun balungbang, jalan satapak paranti urang lembur ka tampian.

Tukangeun imah ngegegedeg dapuran cau, tangkal surian badag, tangkal sampang, dapuran haur jeung ... tangkal lamé. Éta kebon nu bapa kuring, warisan ti aki. Nyabit-nyabit tangkal lamé nu ngajungkiring (ayeuna mah geus dituar), geus aya deui mitosna téh. Cenah, aya nu ngageugeuhna deui baé. Karuhun kuring ti aki nu "linggih" di dinya téh. Unggal malem Jumaah sok kudu disuguh ku sasajén. Tapi ayeuna mah diantep baé, tara aya nu ngadon ngukus di dinya. Ongkoh tempatna ogé geus henteu geueuman kawas ti heula.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...