Bagikeun ka Lapak Facebook

Sastra SundaCarita PondokKemis, 12 Juli 2012 19:40

Pilkuwu

Ku Dadan Sutisna

Ku Dadan Sutisna

Tilu bulan deui, Kuwu Wahyu baris ngécagkeun kalungguhanana. Urang lembur mimiti haruwas-haréwos, ngiker-ngiker saha calon nu baris manggung. Aya nu nyebutkeun, cénah Mang Upat anu merenah jadi kuwu mah. Najan ukur bijilan SD, tapi katémbongna jujur. Mang Upat anu anyar kénéh dijenengkeun jadi Ketua Badan Perwakilan Désa -- sabangsaning ketua législatif anu henteu meunang gajih -- geus kapaké ku saréréa, pangpangna palebah jujurna téa.

Tapi sakumaha sasari, di lembur kuring mah, upama rék nyieun pajabat anyar téh sok hararésé. Lain ngadagoan putusan menteri atawa persidén. Lain kahalangan ku undang-undang deuih. Ieu mah hésé néangan calon. Geura wé, basa taun tukang aya pilihan kepala dusun, da euweuh anu daptar hiji-hiji acan, sakitu émbaran geus dipasang di ditu-di dieu, ngan henteu wé masang béwara dina koran mah. Nepi ka waktuna pilihan, calon téh ukur aya dua. Kitu ogé meunang mamaksa, dapon aya nu ngeusian. Malah, calon nu hiji mah, pamajikanana nepi ka rawah-riwih.

"Montong dipilih salaki kuring mah, bisi korupsi. Mending sina macul baé, ngarah teu matak piomongeun!" kitu pokna.

Ayeuna, dina pilihan kuwu, sarua seuseut néangan calon téh. Béda wé jeung pilihan gupernur, béjana nu milu nyalon téh nepi ka 80 urang. Nya aya éta ogé, urang lembur anu hayang ngarobah nasib ku cara jadi kuwu, tapi sok pagedrug jeung kulawarganana. Malah geus jadi kacindekan saréréa, mun bisa mah nu jadi kuwu téh jalma nu geus cukup sagala rupana, ngarah henteu pahili antara maké duit keur ngawangun jalan jeung keur meuli televisi. Ari sual pangarti mah, apan bisa bari diajar.

Nya Mang Upat anu katémbong nyumponan sarat téh. Upama téa mah manéhna jadi calon, tangtu dirojong ku saréréa. Hanjakal, Mang Upat embungeun. Alesanana manéhna téh loba teuing jabatan. Ti mimiti jadi ketua DKM, ketua Olahraga, anggota LKMD jeung ketua BPD, bari jeung kabéh ogé euweuh nu maké gajih. Éstuning babakti téh lain bobohongan.

"Apan BPD téh nu rék ngurus pilihan kuwu, asa teu paparantes mun nyalon ongkoh," pokna.

Sigana, loba tinimbanganana pangna urang lembur arembung jadi kuwu téh. Kahiji, tina perkara pagawéan anu kacida matak ripuhna. Unggal poé kudu diuk di balé désa, saban minggu kudu rapat minggon di kacamatan, nguruskeun susuratan ti mimiti KTP nepi ka surat idin nanggap dangdut. Tacan mikiran jalan nu ruksak, urang lembur nu paséa parebut cai, tagihan pajeg nu macét, jeung sagunduk pasualan séjénna. Enya éta ogé, kuwu téh boga anak-buah, tapi dina émprona mah, sarupaning masalah nu aya di désa jigna téh kana sirah kuwu. Nu matak aya pantesna, upama Kuwu Wahyu kacaritakeun kungsi gering parna.

Kadua, perkara karaharjaan. Digawé sakitu ripuhna téh, apan teu puguh buruhna. Gajih teu meunang, tunjangan jabatan sumawonna. Enya ogé boga jatah tanah carik nu legana sahéktar, pamohalan matak beunghar, sanajan nepi ka dijualna ogé. Weuh, tada teuing gujrudna mun dijual téh, sarua jeung ngagadabah harta nagara, moal henteu dipecat harita kénéh. Jatah tanah carik téa, ku kuwu téh sok diséwakeun, pangajina sajuta sataun, babandinganana 80 rébu sabulan. Kitu ogé tara gebleng katarima, da loba ti antarana nu tara mayar. Rék ditagih henteu wasa, da anu nyéwana jalma heureut pakeun pungsat bahan.

Ukur tina tanah carik wungkul kitu? Henteu. Anu nyieun susuratan, KTP upamana, dina Perdes mah kudu mayar ka désa. Ngan teu saeutik nu ukur nyebut nuhun, komo kasebutna masih kénéh réréhan kuwu mah. Aya deui bantuan ti pamaréntah, keur nyieun jalan, atawa keur waragad operasional di désa. Tapi apan henteu ngaléos kana saku kuwu, da kudu nyieun laporan pertanggungjawaban anu dipariksa ku BPD, terus disérénkeun ka bupati. Ari BPD (lantaran teu digajih téa, meureun), telik pisan kana laporan ti kuwu téh. Mun aya itungan nu géjlog, kajeun pangaji sarébu pérak, harita kénéh disusul tepus. Ditanyakeun kamana léosna. Ku kuwu sok terus dijujut; apan ka désa téh sok aya nu datang, ti mimiti pajabat kacamatan nepi ka wartawan. Piraku henteu disuguhan, piraku henteu dikeupeulan. Piraku deuih, meuli dahareun keur Pa Camat kudu diasupkeun kana laporan pertanggungjawaban.

"Éta mah asupna kana biaya tak terduga!" kitu pokna.

Teu anéh, upama di désa kuring mah, pantar kuwu téh rebun-rebun geus manggul pacul ka sawah. Sok nyelang heula balik upama aya nu butuh tanda-tangan. Beurangna ngadon ngahuleng di balé désa. Bisa jadi, di désa séjén mah henteu kitu, pangpangna anu di désa nu aya pabrik, pausahaan swasta, atawa désa anu karagragan proyék badag ti pamaréntah.

*

Hiji poé, aya urang désa anu ngumaha ka kuring.

"Kieu Jang, kumaha lamun Mang Upat téh urang sogok. Béré duit pangaji saratus rébu mah, ngarah manéhna daék nyalon kuwu, lebar ku jujurna!"

"Teu ilahar. Kuduna mah Mang Upat anu nyogok ka urang, da urang nu rék milihna ogé," cék kuring. "Tapi cobaan wé, sugan daékeun. Ti mana duit keur nyogokna?"

"Ti Emang heula wé, kabeneran kamari tas nampa ladang bako!"

Poé séjénna geus datang deui.

"Embungeun, Jang. Ngan cék Mang Upat, kumaha mun Ujang baé nu nyalon kuwu téh?"***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...