Bagikeun ka Lapak Facebook

Sastra SundaÉséyKemis, 12 Juli 2012 19:40

Atikan nu Walatra

Ku Dadan Sutisna

Naha enya waragad mangaruhan kana kualitas atikan (pendidikan)? Sigana mah can tangtu. Ningkatkeun kualitas atikan bisa waé ngaliwatan kreatifitas guru. Buktina, Bangladesh nu kasohor ajén atikanana handap, ayeuna geus bisa ngaliwatan Indonésia. Ayeuna prestasi atikan Indonesia aya dina itungan ka-11 di Asia Tenggara, ari Bangladesh naék ka itungan ka-9. Padahal mun nilik kana waragad mah henteu sabaraha, ngan cenah guru-guruna kréatif naker.

ATIKAN téh penting, kitu cék panalungtikan Bappenas. Tangtu cék saréréa gé penting deuih. Nu matak diadurényomkeun méh unggal usik. Komo tanggal 2 Méi mah, nu sok dipiéling minangka Poé Atikan Nasional. Ku penting-pentingna téa, dunya atikan téh jadi salah sahiji widang anu dikocoran waragad konpénsasi BBM-najan dina emprona mah rudet jeung hésé nepina.

Bappenas nu gawé bareng jeung Biro Pusat Statistik (BPS) katut United Nation Development Programme (UNDP) taun kamari ngémbarkeun data statistik ngeunaan Indéks Pembangunan Manusia (IPM) di Jawa Barat. Lian ti widang kaséhatan jeung ékonomi, atikan téh salah salahiji kokojo pikeun ngaronjatkeun angka IPM. Boa ti dinya bisa katoong, kumaha kaayaan atikan di Jawa Barat kiwari?

Asana ari PBH (Pemberantasan Buta Huruf) mah geus ramé ti béh ditu kénéh. Tapi di sawatara kabupatén, cék data statistik téa, angka melék huruf (adult literacy) téh handap kénéh. Éta kabupatén téh ti antarana Indramayu, Subang, Cirebon, Kuningan, Majalengka, Bekasi jeung Bogor. Nepi ka taun 2005, jumlah nu buta huruf di Jawa Barat téh 513.868 urang. Ancer-ancerna taun 2009 mah Jawa Barat geus bébas tina buta huruf.

Lain melék aksara wungkul deuih, angka rata-rata lilana sakola (mean years of schooling) gé masih kénéh handap. Kabéhna aya 14 kabupatén. Indramayu nu pangripuhna, Sumedang nu pangleuheungna. Ngan tangtuna gé panalungtikan Bappenas téh lain hiji-hijina ukuran pikeun meunteun dunya atikan di Jawa Barat.

Dibandingkeun jeung IPM nasional, angka IPM Jawa Barat téh henteu handap-handap teuing, malah ampir sajajar. Hanjakal éta téh ukur gambaran umumna. Mun nengetan deui angka di unggal kabupatén mah, katémbong ganjorna téh. Tacan walatra. Kitu deui dina widang atikanana.

Ari salah sahiji cicirén majuna atikan mun barudak nu sarakola geus walatra. Lembaga atikan formal, ti mimiti SD nepi ka Paguron Luhur, geus diatur usik-lilirna ku pamaréntah. Sakola swasta jeung atikan non-formal (keurseus, diklat jeung sabangsana), éta gé milu ngarojong hirup-huripna dunya atikan. Sistim atikan di sakola terus dioméan. Kurikulum diropéa, nepi ka brolna sitsim anyar, Kurikulum Berbasis Kompetensi (KBK).Nyaritakeun barudak sakola, aya catetan penting ti Dinas Pendidikan Jawa Barat. Sabada dipaluruh nepi ka siklukna, bréh wéh kapanggih, jumlah barudak nu teu sarakola téh. Najan tacan gembleng 100%, tapi panalungtikan Disdik Jabar téh bisa méré gambaran kaayaan barudak sakola di Jawa Barat.

Nepi ka bulan April 2005, jumlah-jamléh barudak nu teu sakola téh 220.498. Ti antarana aya 75.064 urang nu umurna 7-12 taun (SD) jeung 145,434 urang nu umurna 13-15 taun (SMP). Cenah mah meunang angka sakitu téh lain meunang némbak kitu baé, tapi dijugjug langsung ka imah kolotna. Dicatet sagala rupana, kaasup alesanana pangna teu sakola.

Éta téh dina raraga ngaréngsékeun Wajar Dikdas (Wajib Belajar Pendidikan Dasar) 9 taun. Mun geus kapanggih jumlahna, meureun tinggal nyiar tarékah keur ngungkulanana. Jumlah barudak nu teu sakola baris di-update saban waktu ngaliwatan website, ngarah katémbong kamekaranana, boh nambahan, boh ngurangan. Targétna, taun 2008 kabéh bisa sarakola.

Naha bet teu sarakola? Cék catetan Disdik mah, neumbagna téh kana sual ékonomi. Réa kénéh masarakat nu teu kaduga nyakolakeun anakna. Da geuning 81% ti antarana harayangeun sakola. Keur ngungkulanana, engké mah baris aya kartu bébas sakola. Nu méré waragadna gupernur, bupati jeung walikota.

Mun kabéh barudak geus sarakola mah, sugan baé atuh atikan di Jawa Barat téh bisa walatra.***(Dadan Sutisna)

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...