Bagikeun ka Lapak Facebook

Sastra SundaÉséyKemis, 12 Juli 2012 19:39

Diajar Ngaji

Ku Dadan Sutisna

Ku Dadan Sutisna

IMAH panggung ukuran 4 x 6 méter téh unggal sareupna heurin ku barudak. Pasesedek awéwé-lalaki. Arinditna méméh magrib, nyuhun Qur'an, nyekel panunjuk tina harupat. Sawaréh ngajingjing kompan dieusi minyak tanah.

Nu sok kaimpungan barudak téh imahna Téh Wiwi, guru ngaji. Harita mah, awal taun 1980-an, nu bisaeun ngajar ngaji di lembur téh ukur Téh Wiwi. Henteu kudu mayar ngaji téh, asal daék. Nya éta gé, tamba rumasa mah kolot barudak sok mahanan minyak tanah haturkeuneun ka guru ngaji. Pan sajeroning ngaji téh kudu nyeungeut cempor sababaraha hiji, wantuning can usum listrik.

Méméh prung ngaji, pupujian heula. Patarik-tarik, pasilung-silung. Na da harita mah aya puluhna pupujian nu katalar téh, nepi ka apal cangkem. Eusina rupa-rupa, ti mimiti nyaritakeun tatacara wudu nepi ka bab sawarga jeung naraka.

Nu ngaji téh dibagi jadi sababaraha gundukan. Aya nu alip-alipan kénéh, nu ngéjah, barudak nu rada gedé mah geus mimiti ngaderes. Téh Wiwi mah biasana leuwih merhatikeun barudak nu ngajina geus maké Qur'an gedé. Nu kakara alip-alipan mah dipapagahan ku barudak deui. Kira wanci sareureuh budak kakara bubar, baralikna bari nyareungeut obor.

Henteu kungsi nepi ka hatam ngaji di Téh Wiwi téh, da guru ngajina kaburu pindah ka Sumatera, milu transmigrasi. Gantina aya Abéh Unu, misah lembur. Asa aya waasna diajar ngaji ka Abéh Unu mah, da inditna téh ngaliwatan kebon awi teu ku hanteu. Sarua deuih teu mayar, malah kasohor Abéh Unu mah béréhan ka barudak téh. Unggal peuting teu weléh nyadiakeun kurupuk sablék, barudak nu calakan-upamana geus bisa nalar salah sahiji susuratan nu parondok-balikna dibahanan kurupuk. Atuh kebon jambu lebakeun imahna, geus dipékbaékeun ka barudak ngaji mah.

*

AYEUNA mah boa geus hamo kapanggih suasana ngaji siga kitu téh. Geus moal kacaturkeun aya barudak nu balik diajar ngaji liang irungna pinuh ku haseup cempor.Lain ukur suasana nu robah téh, tapi sistimna gé geus béda. Barudak ayeuna mah geus diasongan palakiah anyar kumaha sangkan bisa maca aksara Arab kalawan gancang. Atuh fasilitasna gé leuwih euyeub deuih, lian ti buku téh barudak bisa diajar aksara Arab tina CD, VCD, program komputer nu interaktif, nepi ka Al-Qur'an digital nu bisa dibabawa kalawan rikip.

Harupat nu sok dipaké panunjuk ayeuna mah geus tara dipaké. Langka kapireng sora nu keur ngéjah, da langsung norolang téa. Atuh tempatna gé geus leuwih merenah. Mun henteu di masjid nya di madrasah. Can dug-deg Taman Pendidikan Al-Qur'an (TPA).

Geus dilalanyah ti béh dituna, atikan barudak di urang mah dimimitianana ku diajar ngaji. Méméh diajar maca aksara latén téh, réréana barudak diwanohkeun heula kana aksara Arab. Malah di sawatara tempat mah, matak wirang kolotna mun budak geus balég can bisaeun ngaji.

Dina harti nu leuwih jembar, diajar ngaji téh raket patalina jeung sistim atikan Islam, boh nu dilembagakeun, boh nu dikokolakeun ku individu. Pasantrén upamana, apan jadi tatapakan nu weweg pikeun ngulik élmuning agama Islam, tur geus ditaratas ti lima abad katukang. Ku kituna, mun nilik kana sajarohna mah, saenyana sistim atikan Islam boga poténsi pikeun leuwih maju, da gelarna ti méméh ngadeg lembaga atikan umum.

Tapi di masarakat mah kecap "diajar ngaji" téh lir ngahususkeun kana diajar maca aksara Arab. Sabagéan pasantrén mah nyekel pageuh kana tradisina, nu diajarkeun téh ukur élmuning maca kitab, arang ngulik pangaweruh séjénna nu leuwih jembar. Éta gé, di pakotaan mah geus mimiti renung nu ngadamaniskeun ajaran pasantrén jeung pangaweruh séjénna. Tapi ganjor pisan mun dibandingkeun jeung pasantrén-pasantrén di pasisian.

Sistim atikan Islam jeung atikan umum sakapeung mah dipilah-pilah ku sabagéan masarakat. Mun aya budak asup ka Paguron Luhur Islam, upamana, geus pasti cenah ka dituna téh jadi ustad-nu ukur bisa nerangkeun sabudereun élmu agama Islam.

Sok ras inget kana omongan kolot. Cenah, "Geura ngaji, Jang. Ulah siga déwék, teu nyaho alip bingkeng-alip bingkeng acan."  Sakapeung sok dipikiran kecap "teu nyaho alip bingkeng" téh, kira-kira mah pihartieunana téh, teu boga kasempetan neuleuman rupaning pangaweruh lantaran teu bisa maca.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...