Bagikeun ka Lapak Facebook

Ukur BanyolHeuheuy DeuhKemis, 12 Juli 2012 18:06

Nyiar Pacabakan

Ku Dadan Sutisna

Carita Saaya-aya kénging Dadan Sutisna 

Geus dua bulan hulang-huleng baé. Saprak di-PHK ti pabrik kurupuk, lebeng teu manggih deui pagawéan. Komo ayeuna dibéré BBM naék. Wah, kasusah téh teu euweuh-euweuh. Ngalamar mah geus ka ditu-ka dieu, ti mimiti pabrik sapatu nepi ka salon kecantikan. Angger euweuh nu metu. Padahal apan kuring téh boga kabeubeurat; pamajikan hiji keur meumeujeuhna resep balanja, anak dua keur meumeujeuhna beuki jajan.

Kapaksa wé, keur dahar sapopoé téh disubsidi ku mitoha. Ari geus rék kumaha deui. Untung éta ogé, boga mitoha  (tapi nu awéwé ieu mah) béréhan. Pokna ogé, sapanjang aya di kolot mah, ulah asa-asa. Ngan nyakitu, ninggang ka mitoha lalaki mah, kuraweudna lain deui. Pokna téh, lalaki euweuh kadaék, teu boga tanggung jawab.

Hiji peuting, keur pahuleng-huleng jeung pamajikan. Manéhna anteng ngitung hutang, kuring gégéléhéan dina samak, dianggel ku leungeun. Barudak geus sararé, sanggeus méméhna ceurik, pédah teu kalaksanakeun meuli cocooan.

"Cik atuh, Kang, sugan boga wewengan keur usaha. Da piraku kieu baé mah!" ceuk Si Iroh, pamajikan kuring.

"Matak ngahuleng baé gé keur mikir,"

"Enya, tapi ari mikir baé mah moal aya anggeusna. Kudu jeung prakna, Kang. Naon we atuh usaha mah!"

"Muka réparasi!" ceuk kuring bari ngoréjat. Teuing ti mana bet aya ilapat kitu. "Modalna teu sabaraha, masa depan cerah. Teu kudu papanasan deuih, ukur nungguan di imah!"

Tapi pamajikan mah kalah ka kerung.

"Réparasi? Kumaha maksud Akang téh?"

"Enya, jadi purah ngoméan barang éléktronik. Naon baé anu dioméanana mah, bisa televisi, radio, VCD, jeung nu séjénna. Di urang pan loba nu boga télévisi ruksak!"

"Ké, asa teu kaharti. Rék kumaha ngoméanana, apan Akang mah euweuh kabisa uprak-oprék nu kararitu mah. Sakalieun menerkeun listrik ogé, geuning tara nepi ka anggeus!"

"Bisa bari diajar éta mah. Si Omod ogé muka béngkél sepédah, apan henteu kudu sakola heula!"

"Enya tapi ieu mah béda deui. Akang téh ukur lulusan SD, boga pangalaman gawé di pabrik kurupuk. Naon hubunganana jeung réparasi televisi? Jeung naha Akang geus boga alat-alatna?"

"Bisa nginjeum nu kitu mah. Geus lah, isukan rék nyieun plang hareupeun imah: membuka reparasi macam-macam barang elektronik," pok téh bari ngagolédag kana samak.

Isukna, gancang nepungan Si Ujo. Sina nyieun plang, pédah Si Eta mah rada alus tulisanana.

"Gampang," ceuk Si Ujo. Terus ngaragaji teriplek, ukuran saméter ka saméter. Kop kana cét beureum.

"Ulah ku nu beureum atuh," ceuk kuring.

"Euweuh deui cétna. Ieu ogé sesa mulas pilar imah Mang Erte!"

"Kumaha karep atuh!"

Teuing pedah dirurusuh sugan, plang téh henteu pati alus. Tulisanana henteu lempeng, malah palebah  kecap "elektronik" mah ukur nepi ka "elektr" da teriplékna teu mahi. Tapi keur saheulananan mah diterapkeun wé, najan asa ngéwa katénjona. Naha atuh, barang ditapelkeun ogé ujug-ujug dironom ku barudak. Diarusapan bari diéjah aksarana.

Meunang dua poé mah nu rék ngoméan téh can aya hiji-hiji acan. Kakara poe isukna, katénjo aya nu ngaregéh manggul televisi. Puguh baé kuring surak. Gancang dipapagkeun ka buruan.

"Ku naon ieu téh?"

"Matak rék diomean gé ruksak!"

"Enya, ruksak naonana?"

"Teuing, da ujug-ujug euweuh gambaran,"

"Euh, kabelna sigana mah!" ceuk kuring, saingetna. "Tunda heula di dieu, engké urang pariksa,"

"Kudu kabawa ayeuna, rék dipaké lalajo maén bal!"

"Dagoan atuh, urang pariksa di imah!"

Regeyeng televisi dibawa ka patengahan. Nu bogana mah sina nungguan di luar. Nepi ka patengahan, puguh baé ngahuleng mah. Teu apal kudu dikumahakeun éta televisi. Ditatap diusap, bari jeung bingung.

"Euweuh gambaran. Kudu kumaha nya, ngoméanana?" kuring gegerendengan sorangan. Dicobaan we disetél. Aneh, televisi téh ujug-ujug aya gambaran, teu kua-kieu. Kabeneran kitu?

Gancang nepungan nu bogana, nitah diténjo.

"Geus dibenerkeun, tuh ténjo!"

"Enya baé, mani téréh menerkeun téh. Nuhun ah," pokna bari mangku televisi.

"Ke, ke, piraku rék nuhun wungkul?"

"Aéh, heueuh, sabarahaeun?"

"Bieu téh ku kuring diganti aisi-na. Hargana 50 rébu. Ditambah ongkos ngoméan 25 rebu!"

Teu hararésé, créng baé dibayar. Léos nu ngoméan indit. Kuring ngageroan pamajikan.

"Tah, hasil usaha poé ieu," pok téh bari rada dangah, agul ti dituna mah. Pamajikan mani ajrag-ajragan, terus baé balanja ka warung.

Ngan isukna, basa kuring kakara hudang, di buruan mani geus ramé ku jelema. Aya nu mawa televisi, radio, kulkas, VCD, kompor gas.

"Aki mah hayang dipangmenerkeun kacamata, Sujang," ceuk aki-aki nyelengkeung ti tukang. Nénjo kitu mah, kalahka ngadegdeg. Komo basa unggal jelema nyebutkeun: "Kudu bérés poé ieu!"***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...