Bagikeun ka Lapak Facebook

Sastra SundaCarita PondokKemis, 12 Juli 2012 17:56

Potrét Hideung (2)

Ku Dadan Sutisna

Ku DADAN SUTISNA

GEUS dua peuting Maman jeung Marni ngadéngé sora nu ceurik, ngabangingik, bangun kanyenyerian. Éta sora datangna asa ti luhureun kamar, ti lebah lalangit. Tapi sakapeung semu ngajauhan.

Mistéri potrét gé can kapaluruh. Nu ngabangingik, komo deui, teu kaharti ku akal. Katambah Bi Darsih hariweusweus, cenah basa keur sasapu di pakarangan tukang, katémbong dina témbok aya getih. Enya, getih nu ngalémbéréh, teuing getih nanahaon.

Ku Maman dibuktikeun. Enya geuning. Marni mah geus miheulaan ngayekyek. Tapi Maman nyobaan neger-neger manéh, mikiran éta kajadian maké logika, najan haté leutikna mah sarua nyebut teu kaharti.

"Mending ngalih ti dieu, Kang. Sigana bumi téh aya jurigan..." cék Marni.

"His, ké heula. Mending urang paluruh, bisi nu ngaheureuyan,"

"Ngaheureuyeun kumaha? Potrét, VCD, sora nu ceurik, éta mah lain pagawéan jelema heureuy. Piraku tengah peuting aya nu ngadon ceurik di imah batur. Ieu mah sidik..."

Maman ngahuleng.

Piisukaneun ngantor, Maman nélépon Rusman, babaturanana. Teu kungsi jam-jaman, Rusman geus ngurunyuk maké motor bébék. Marni ngahaja sina asup heula ka kamar. Nu duaan terus ngawangkong di téras hareup.

"Jadi ieu imah téh titinggal Aki?" Rusman nanya.

"Enya, tapi da tara kacaritakeun pikakeueungeun. Enya gé imah geus kolot, da hadé rawat. Jeung ieu mah siga rék ngaganggu déwék jeung Marni deuih, siga nu teu panuju déwék kawin ka manéhna."

"Meunang mun nénjo potrét téa?"

"Puguh baé..." Maman nyelang heula nyokot albeum. Terus ditémbongkeun ka Rusman.

"Heueuh, matak teu kaharti," cék Rusman bari mukaan potrét. Keur kitu paneuteupna mencrong kana hiji potrét. Maman jeung Marni keur narangtung, nu ngabelegbeg ngajanteng tukangeunana.

"Ké, ké... asa wawuh kana tangtungan kieu mah,"

"Nya puguh atuh, da éta mah potrét déwék. Jelemana ngajentul hareupeun silaing.."

"Lain, nu ieu déwék mah, nu ngabelegbeg. Ké heula... Euh, enya, Si Lilis. Déwék yakin, ieu mah tangtungan Si Lilis!"

Maman katémbong ngarénjag. Terus milu nyidik-nyidik potrét.

"Heueuh geuning, kakara sidik. Tapi euy, lain Si Lilis mah geus ma..."

"Enya, tilu bulan ka tukang. Silaing nepi ka henteu ngalongok, padahal ka popot..."

"Tong tarik teuing..." Maman ngagebés. "Moal kitu arwahna marakayangan, teu panuju déwék kawin ka nu séjén? Silaing nu kitu téa mah, bet nepungkeun déwék jeung Marni,"

"Geus, tong papanjangan. Siga nu kaduhung geuning. Da geus kajadian, kumaha malikanana. Déwék nyaho Si Lilis kagegeringan pédah diputuskeun ku silaing. Putusan yang sepihak, pédah silaing kagémbang ku Marni, nepi ka ngajodona. Tapi déwék nyaho pisan, Si Lilis mah awéwé soléh, pamohalan marakayangan..."

"Boa nu ceurik gé sora Lilis?" Maman kerung.

"Can karuhan. Ayeuna mah kieu, saha nu motrétanana basa silaing panganténan? Pénta kliseuna, urang akurkeun!"

"Si Sudma, babaturan di kampus. Jelema lénglé Si Éta mah, nu matak potrétna gé kakara dianteurkeun saminggu sanggeus resépsi."

"Enya, télépon heula, tanyakeun kliseuna!"

Maman nyokot HP.

"Sudma? Di mana, euy? Acan, isukan sigana mah. Lain, déwék butuh kliseu potrét téa... Kumaha? Oh, jadi dihijikeun, nya. Enya, engké urang téang. Tapi mun bisa mah silaing buru-buru ka dieu, aya nu genting. Kumaha? Euh, ngajodo atuh. Didagoan pisan!"

Maman nutup télépon. Rét ka Rusman. "Cenah motrétna maké potona digital. File-na geus di ka dieukeun, dihijikeun jeung albeum, dina CD. Ayeuna manéhna rék ka dieu, da kabeneran rék nepungan..."

"Maké poto digital, nya. Tapi engké urang tingal CD-na. Di dieu aya komputer?"

"Aya, laptop nu kantor. Ukur dipaké ngetik, da déwék mah ukur taram-taram kana komputer téh..."

"Sarua. Ngan rarasaan, ari ukur mukaan potrét dina CD mah moal nguyang ka batur. Cik atuh bawa, sakalian jeung CD-na."

Maman ngaléos. Ngurunyung deui, dibaturan ku Marni. Sok laptop dina méja. Marni ngaluarkeun CD tina kérésék.

"Sigana nu ieu, da nu hiji deui mah VCD, geus disetél peuting mangkukna," Maman nunjukan CD.

"Enya, tah geuning, dina coverna aya ngaran studio poto," cék Rusman bari ngahurungkeun komputer. Nu duaan mencrong mani teu ngiceup-ngiceup.

Eusi CD téh potrét-potrét nu sarua jeung dina albeum. Euweuh nu dipiceun sasieur.

"Dina file-na gé nu ngabelegbeg téh aya. Hartina tina kaméra digitalna gé  manéhna geus mimilu. Tapi ké ngarah yakin mah urang ngadagoan Sudma!"

Meunang sajongjongan mah tiluanana patingharuleng.

Teu lila jol Sudma. Alangah-éléngéh.

"Bagéa nu anyar pangantén. Saraé nya potrétna?"  pokna bari ngodok pésak, ngaluarkeun udud.

"Saé, saé, ténjo tah!" Maman nyodorkeun albeum. Mani tenang naker ku Sudma dibukaan, leungeunna nu kénca nyekelan udud.

"Alus, béngras..."

"Nya teu katénjo aya nu ngabelegbeg?" Rusman mairan.

Sudma mimiti ngahuleng. Panonna satengah dibelélkeun awahing ku hayang sidik.

"Saha ieu?" pokna bari melong ka Maman.

"Kuduna gé déwék nu nanya kitu téh!"

"Teuing atuh, da déwék mah teu rumasa motrét mahluk ditiung hideung. Teu nénjo-nénjo acan..." Sudma bibirigidigan.

"Bener teu nénjo?"

"Daék medu déwék mah. Kumaha nu dina CD?"

"Sarua. Apan nu dina albeum téh nyitakna ti nu CD, lin?"

"Heueuh. Teu kaharti, euy!" Sudma ngahuleng.

"Nu dina poto digital aya kénéh?" Rusman nanya.

"Geus dipupus, angkeuhan téh, geus dipindahkeun kana CD. Ongkoh harita terus motrétan nu disunatan, mémorina geus pinuh, jadi dipupusan."

"Éta deuih, potrét déwék dikeueumna mani saminggu. Siga jaman prasejarah waé, mani mulan-malén. Padahal apan geus diomat-omatan, buru-buru citak!" Maman rada muncereng.

"Tah, lebah dinya mah ulah nyalahkeun déwék. Si Somad bagéanana..."

"Naon hubunganana jeung Si Somad?"

"Harita poto digitalna dipihapékeun ka Si Somad. Si Éta pan, nu ngaméra maké héndikém téh. Cenah ambéh sakalian dihijikeun jeung VCD-na. Tapi isukna gé geus ngurunyung, mulangkeun kaméra. Ngomongna mah potrét geus dicitak, tinggal ngadagoan ngédit pilemna!"

"Silaing henteu nénjoan heula poto-poto nu geus dicitak?"

"Apan cék manéhna rék langsung dibikeun. Kateueuari dibawa ka dieu ka dieu... Iraha kitu Si Somad ka dieu?"

"Mangkukna, tapi teu panggih jeung déwék mah. Dibikeunna gé ka Bi Darsih."

"Kang Sudma, dina VCD gé sami aya nu ngabelegbeg hideung... Sakapeung jojorélatan!" Marni kakara ngomong.

"Jadi ayeuna mah koncina aya di Si Somad. Di mana mangkelukna?"

"Keur balik heula ka lembur, kamari. Cenah indungna gering!" walon Sudma.

"Éta deuih nu matak héran téh... unggal tengah peuting aya sora awéwé ceurik ngabangingik!"

"Urusanana geus kana supranatural nu kitu mah. Déwék teu pati nyaho!" Sudma kalah ka ngabirigidid.

*

SUDMA jeung Rusman maturan nepi ka peuting. Cenah hayang milu ngabuktikeun sora nu ceurik téa. Sugan wé cenah ari réa batur mah jurigna sieuneun.

"Di patengahan wé ngadéngékeunana, piraku ngagebreg di kamar onaman..." cék Maman.

"Terus silaing duaan di kamar? Meunyi, abong-abong..." Rusman ngaheureuyan.

"Lain kitu, urang ngariung di patengahan wé... opatan!"

Bada isa Somad ditélépon ku Maman. Ngobrol panjang lébar. Enya baé keur luar kota. Enya deuih, manéhna pisan nu mikeun albeum ka Bi Darsih téh. Ngan harita teu wani asup, eukeur mah geus peuting, katambah rusuh rék ka lembur.

Somad gé kadéngéna reuwaseun dibéré nyaho perkara potrét téh. Sababaraha kali nyebut teu kaharti. Manéhna cenah rék buru-buru ka kota keur ngayakinkeun.

Wanci beuki nyérélék. Sudma siga nu teu sadar ngagabrug ka Rusman, basa panceg jam 12 peuting, nu ngabangingik téh kadéngé deui...***(hanca)

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...