Bagikeun ka Lapak Facebook

Arsip MediaKemis, 12 Juli 2012 17:47

Hadiah keur Guru-Guru Basa Sunda

Ku Dadan Sutisna

Bulan Januari 2009, baris aya deui Hadiah Hardjapamekas. Ieu hadiah téh pangajén kanggo guru-guru basa, pangpangna guru basa Sunda, kumargi aranjeunna kalayan binarung kahéman teu kendat narékahan pikeun ngawulang élmuning basa ka barudak sakola. Ieu hadiah dipasrahkeun ku Yayasan Kebudayaan Rancagé unggal taun, ti kawit taun 2008. Guru nu dianggap payus pikeun dilélér ieu hadiah méméhna diayak heula ku Déwan Juri Hadiah Hardjapa-mekas. Ieu hadiah diajangkeun kanggo tiluaneun, guru SD, guru SMP, jeung guru SMA. Ka aranjeunna baris dihaturkeun Hadiah Hardjapamekas nu mangrupi tropi, piagem, sareng artos Rp. 5 juta (lima juta rupia).Dugi ka danget ieu mah, Hadiah Hardjapamekas téh dipasrahkeun ku cara swadana, pangpangna kalayan pangrojong ti kulawarga R.S. Hardjapamekas (1913 - 2005) suargi. Maksadna kanggo ngajurung sumanget guru dina miara sareng ngamekarkeun basa dina widang pangajaran sareng atikan.

Pangna ieu hadiah disebat "Hadiah Hardjapamekas" téh, kénging nyandak tina jenengan salah sahiji tokoh atikan Jawa Barat, R. Sobri Hardjapamekas (1913-2005) suargi.

Anjeunna lahir di Cianjur, Jawa Barat, 23 Séptémber 1913. Ngawitanana mah ancrub kana widang pamaréntahan, tapi ti taun 1950-an langkung museurkeun paniténanana kana widang atikan. Hardjapamekas tabah pisan nyarios basa Jérman, dugi ka anjeunna kénging kasempetan ngulik pangarti di Jérman. Ti Indonésia mah nya anjeunna guru basa Jérman munggaran nu lulus di Jerman téh. Samulihna ti luar negeri, anjeunna teras ngawulang di IKIP Bandung (ayeuna Universitas Pendidikan Indonesia), dugi ka pangsiunna.

Lian ti ngajar, Hardjapamekas tapis kana nyerat deuih, pangpangna buku-buku kabudayaan sareng atikan. Karya-karyana di antawisna Sekelumit Mitologi Yunani (1986), Bunga Rampai Kebahasaan (1988), Kamus Latin-Indonesia (1993) jeung Pengantar Sejarah Kesusasteraan Jerman (2003). Biografina, Bekerja demi Bangsa (2003) ditulis ku Tatang Sumarsono, teras disundakeun ku Dadan Sutisna sarta dijudulan Buméla ka Bangsa (2004).

R.S. Hardjapamekas ngantunkeun di Bandung, 23 Juli 2005 dina yuswa 91 tahun.

Dina taun 2008, guru basa Sunda nu dilélér Hadiah Hardjapamekas 2008 nyaéta: Holisoh M.É. (ti lingkungan guru SD), Cécé Hidayat (ti lingkungan guru SMP), jeung Endan Sukanda (ti lingkungan guru SMA). Saha nu baris dileler hadiah taun 2009, urang antos wae dina waktosna.

Catetan:

Bilih aya nu gaduh nominasi guru basa Sunda nu merenah dileler hadiah,  dugikeun baé ka YAYASAN KEBUDAYAAN RANCAGÉ Jl. Taman Kliningan II No. 5 Bandung 40264 Tlp/Fax. (022) 7310625.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...