Bagikeun ka Lapak Facebook

Arsip MediaKemis, 12 Juli 2012 17:39

Ngajungjung Basa Indung, Matéakeun Basa Urang

Ku Etti RS

Assalamualaikum Wr. Wb. Maha Suci Gusti Anu Nyangking bumi, Nu Maparin tanaga ka Paguyuban Panglawungan Sastra Sunda (PPSS) pikeun mieling Hari Bahasa Ibu Internasional (HBII) nu katilukalina. Taya rasa nu pangbagja-bagjana pikeun simkuring saparakanca iwal ti tinekanan ngayakeun acara nu mayeng saban taun sapertos ayeuna. Ku kituna sugrining kabagja tur kareueus teu kendat disanggakeun ka Nu Ngalungsurkeunana. Mugia ieu acara matéakeun basa téh aya mangpaatna pikeun balaréa: di Tatar Sunda, Indonésia, tur alam dunya. Kalawan tinimbangan kamekaran jaman sareng téknologi, téma nu dipilih dina miéling basa indung taun ieu téh nyaéta "Basa Indung dina Alam Kasajagatan" (bahasa ibu dalam alam globalisasi). Runtuyan acara nu dipidangkeun gé ngahaja rada benten ti taun-taun nu ka pengker, pangpangna dipatalikeun sareng téma nu dipilih. Acara gunem catur atanapi diskusi ngeunaan basa indung nu biasana janten jejer utama, ayeuna mah digentos ku Pasanggiri Ngeusian Tarucing Cakra langsung nganggo komputer sareng ngalangkungan internét. Dupi maksad ieu pasanggiri téh taya sanés hoyong ngabuktoskeun ka sakumna masarakat yén basa Sunda gé mampuh ngigelan jaman, tiasa dianggo dina téknologi kiwari. Maksad nu langkung penting tur manjang nyaéta sangkan ieu program tarucing cakra téh tiasa diaranggo ku saha waé dina raraga ngasah kamahéran basa Sunda. Kalih ti éta, ieu acara téh tetep museur kana garapan PPSS nu nyoko kana kahirup-huripan sastra Sunda sareng (mugi-mugi) kana karaharjaan pangarang. Ku ayana masarakat mahér ngagunakeun basa Sunda, ogé dipiharep baris mahér neuleuman karya sastra Sunda. Tina mahér neuleuman karya sastra susuganan jorojoy rasa bogoh tur ngamuara kana rasa nyaah nu lana. Sugan sareng sugan ieu impénan téh ngawujud nyata sapertos kitu sarta tangtos baris numuwuhkeun sumanget ka para pangarang pikeun nyiptakeun karya nu taya laasna. Hal ieu gé tangtos baris mangaruhan kana sumanget para pamedal dina medalkeun buku-buku sastra Sunda. Meungpeung aya lolongkrang, meungpeung aya kaludeung, tur meungpeung aya widi ti Maha Suci; dina raraga HBII téh simkuring saparakanca ngahaja nyebarkeun virus DBD (Demam Bahasa Daerah) ka sakumna masarakat sangkan ieu ‘panyawat’ nyerep kana jiwana terus nyusup kana sungsuamna. Sakitu nu kapihatur, hapunten bilih aya pisanggem nu matak dengdem. Neda jembar tawakupna tina sugrining kaluluputan tur kalelepatan ieu acara, mugia urang sadaya tetep tagen dina pakarepan miara basa katut budaya. Pamungkas, sim kuring saparakanca ngahaturkeun nuhun ka sadayana nu aub rumojong kana acara Miéling Basa Indung. Bilahittaufik walhidayah wassalamualaikum wr. wb. Hurip Sunda!*** Bandung, Pebruari 2008 Paguyuban Panglawungan Sastra Sunda Étti RS Pupuhu

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...