Bagikeun ka Lapak Facebook

Arsip MediaKemis, 12 Juli 2012 17:37

Ti PP-SS jeung Unpad keur Basa Indung

Ku Dadan Sutisna

DI Tatar Sunda mah, Poé Basa Indung Internasional (PBII) téh can pati dipikawanoh. Najan geus dibéwarakeun ti taun 1999, tapi héabna mah kakara kaayeunakeun. Taun 2006, Paguyuban Panglawungan Sastra Sunda (PP-SS) dirojong ku Disbudpar jeung Fakultas Sastra Unpad, miéling Poé Basa Indung nu dipuseurkeun di Aula Sanusi Hardjadinata UNPAD. Éta acara baris diteruskeun taun 2007 jeung 2008, malah engkéna mah rék mayeng unggal taun. Pamiangan PP-SS miéling PBII téh, henteu lésot tina kamelang kana rébuan basa di dunya nu nungtutan tumpur. Karémpan kawas kitu téh bisa jadi karandapan ku basa Sunda. Ku kituna, momentum PBII bisa dipaké tatapakan pikeun leuwih ngamekarkeun basa Sunda. Dina acara miéling PBII 2006, lian ti rupa-rupa pagelaran, aya sawala ngeunaan basa indung deuih. Pasualan basa Sunda nu “kitu-kitu kénéh” téh, ari disawalakeun mah, teu burung “nodél” nu hadir dina éta acara. Rupa-rupa pamanggih ditepikeun, ti mimiti sual barudak nu bangun embung maké basa indung, nepi ka tarékah-tarékah ngahirupkan basa Sunda dina widang nu leuwih lega. Gupernur Jawa Barat, Danny Setiawan, nu ngahadiran éta acara, milu nepikeun kamelangna kana basa Sunda nu cenah teu weléh prihatin. Cék gupernur, putusan UNESCO ngeunaan PBII téh luyu pisan jeung program katut kawijakan pamaréntah Propinsi Jawa Barat. Dina Perda No. 5 taun 2003, geus aya réngkolna ngamumulé basa Sunda téh, tapi nepi ka kiwari can dilarapkeun kalawan gembleng. Ketua PP-SS, Étti RS, jangji yén acara miéling PBII rék dilaksanakeun ku PP-SS gawé bareng jeung Unpad unggal taun. Mayengna miéling PBII téh tangtuna gé lain ukur “promosi basa” ku acara sérémonial, tapi dibarengan deuih ku tarékah nu leuwih nyata. Upaman, dina acara miéling PBII taun 2007 dina tanggal 21 Pébruari 2007 di Aula Sanusi Hardjadinata Unpad, kagiatanana dilegaan. Ti Oktober 2006, PP-SS geus ngémbarkeun “Saémbara Ngarang Novélét Barudak Basa Sunda”, minangka bagian tina kagiatan PBII. Éta saémbara téh, tujuanana mah pikeun ngeuyeuban bacaeun barudak basa Sunda. Nepi ka kiwari, tradisi nulis carita barudak téh langka nu maliré. Hadiah “Samsudi” ti Yayasan Kebudayaan Rancagé sababaraha kali copong, duméh taya buku bacaeun barudak nu pantes diajén. Alhmadulillah, sawatara buku hasil saémbara téh tos  aya nu medal. *** Taun ieu gé (2008), acara PBII téh baris diayakeun deui. Angger gawé bareng jeung Unpad deuih. Éta gé réa nu ngaharéwos, naha acarana téh bet di Unpad deui, di Unpad deui. Naha teu aya deui tempat? Kantenan, da acara PBII mah sanés nu PP-SS, sasaha gé tiasa nyieun acara. Ngan nu kaérong téh, PP-SS teu acan mampuh pikeun ngayakeun acara nu langkung ti kitu. Éta gé tiasa dilaksanakeun sotéh sasatna lantaran Unpad nu haat masihan fasilitas unggal taun, boh tempatna boh tuangeuanana. Keur ngarojong PBII 2008, méméhna PP-SS ngayakeun Saémbara Ngarang Drama Sunda, tur pinunjulna tos diumumkeun. Insya Alloh éta naskah baris dibukukeun sareng dipentaskeun dina Féstival Drama Basa Sunda nu diayakeun ku Téater Sunda Kiwari. Lian ti éta, taun mah acarana rada bénten. Ku alpukahna Kang Ganjar (Prof. Dr. Ganjar Kurnia, DEA; Réktor Unpad), insya Alloh Unpad sareng PP-SS baris ngayakeun Pasanggiri Ngeusian Tarucing Cakra keur guru basa Sunda jeung keur balaréa saalam dunya. Béwara sareng téhnisna baris saénggalna diumumkeun. Sabréhan mah asa teu pira Pasanggiri Tarucing Cakra téh. Tapi mun ku urang diémutan, pan ngasah kamampuh kana basa Sunda téh rupa-rupa. Ongkoh seuseur pisan nu resep kana tarucing cakra mah. Komo ieu mah sina rada “bergéngsi”, da ngeusianana nganggo komputer, sanés dina keretas. Naon nu ditaratas ku Unpad sareng PP-SS téh, ti dituna mah sasieureun sabeunyeureun ngiring andil kana tanggung jawab ngamumulé basa Indung.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...