Bagikeun ka Lapak Facebook

Arsip MediaKemis, 12 Juli 2012 06:47

Titim Fatimah; Ti Deli ka Subang

Ku Dhipa Galuh Purba

 

 

 

 

DINA Hiji wangkongan rinéh jeung Yat R (Pangarang Dongéng Si Rawing), cenah mah pamor sindén téh mémang kaangkat ku manggungna Titim Fatimah. Tug nepi ka aya kirata sindén; dipikaisin tur diendén-endén. Nurutkeun Yat R, jasa Titim Fatimah dina dunya kapasindénan kalintang pereluna pikeun diajénan. Yat R kungsi nyaksian Titim Fatimah manggung dina pintonan dalang. Cenah Titim Fatimah calik dina korsi, luyu jeung anu dibahas ku Ismét R, basa padungdengan ngeunaan Titim Fatimah di Kantor Pikiran Rakyat, sawatara waktu kaliwat. Bet jadi kataji tur hayang milu nyawang, kumaha kasangtukang Titim Fatimah téh. Ku lantaran kuring mah balaka baé, teu kungsi ngalaman lalajo Titim Fatimah. Kuring ukur "lalajo" tina wangkongan jeung tina rupaning tulisan.

*

CACAKAN upamana waé Titim Fatimah digedékeun di Déli, Sumatra Utara, caritana bisa jadi bakal robah. Tapi geus guratna kudu ngalalakon dina dunya kasenian Sunda, Titim Fatimah mémang lahir di Déli (taun 1938), tapi ari nyorang jalan kahirupanana mah nya di wewengkon Subang. Anu antukna nganteurkeun Titim Fatimah ngajénggélék jadi hiji seniwati légéndaris; sindén kakoncara, anu ngalaman puncak kasuksésanana kira taun taun 1960-an, saentragan jeung sindén Upit Sarimanah.

Beuki cindek waé, sing saha seniman atawa seniwati nu hayang suksés karirna, pinasti kudu mibanda kawani jeung kamampuan pikeun nyiptakeun torobosan anyar. Mang Koko suksés, lantaran ngaracik karawitan dina wanda anyar. Karya-karyana keuna pisan kana mamaras haté ku balaréa, mangsa harita. Teu pati béda jeung Oma Irama, anu suksés ngadumaniskeun musik Rock jeung Dangdut. Karya-karyana bisa ngageunjleungkeun lemah cai. Pon kitu deui, Titim Fatimah anu ku Nano S mah, dianalogikan minangka "manuk leuweung". Kangaranan manuk leuweung, tangtu baé hiji sato "liar" anu kawilang hésé pikeun diturutan ku manuk-manuk séjén. Iwal ti éta, manuk leuweung ogé, kaitung bangga pikeun ditaklukkeun. Nano S nyebutkeun yén Titim Fatimah, mibanda kamampuan nu taya bandinganana dina mangsa harita, nyaéta dina perkara ngacak wiletan jeung maling embat, tug nepi ka ngagalindengkeun pekik jeung sora handap. Masih kénéh ceuk Nano S, Titim Fatimah parigel pisan nyelapkeun kecap-kecap di antara rumapaka lagu. Dina dalapan ketukan, Titim Fatimah bisa nyelapkeun 32 nepi ka 36 kosa kecap.

Torobosan anyar Titim Fatimah dina dunya sindén, karasa pisan mangpaatna pikeun kamajuan kapasindénan. Sebut baé, pamor sindén mangsa harita bisa ngajaul nepi ka tingkat nasional. Minangka conto, harita, taun 1960-an, Titim Fatimah geus 'langganan' jadi pangeusi acara di gedong pentas Museum Pusat Jakarta, jeung grup Seni Sunda Studio RRI Jakarta, pimpinan Radén Tuteng Djuhari. Malah ku lantaran pamor sindén jadi populér, tangtuna ogé mangaruhan kana honorna. Ninggang ka Titim Fatimah annu geus sohor, béjana honor nyindén nepi ka bisa ngéléhkeun penyanyi pop anu kakoncara jaman harita. Iwal ti bisa ngalaksanakeun rukun Islam anu ka-5, Titim Fatimah ogé bisa ngawangun hiji SD di Jalancagak, Subang. Nepi ka kiwari, SD "buatan" Titim Fatimah téh masih digunakeun pikeun kagiatan dialajar. Hal ieu minangka hiji bukti, yén Titim Fatimah kacida titén kana dunya atikan. Ringkang Titim, mawa berekah keur masarakat sabudeureunana.

Dina SB édisi April 2002, Nana Munajat nyebutkeun yén dina jaman kiwari, tacan aya sindén anu mapakan Titim Fatimah. Ma Ageung ogé sapamadegan jeung Nana Munajat, cenah nepi ka kiwari can aya sindén anu motékar cara Titim Fatimah. Puguh baé Ma Ageung mah kaleungitan pisan ku Titim Fatimah téh, da puguh geus asa ka kolot sorangan, iwal ti dianggap guru jeung batur pakumaha. Pon pilalagi Moch. Tan Déséng, anu kungsi nutur-nutur Titim Fatimah nepi ka manggung di Lampung. Tug nepi ka Bung Karno ogé, Présidén Républik Indonésia ka-1, kacida mikalandepna ka Titim Fatimah. Malah Bung Karno mah wartosna apal pisan kana kostum-kostum anu sok dianggo ku Titim Fatimah, upama manggung.

Pajoangan Titim, lain baé keur dirina sorangan. Tapi bisa disebutkeun ngangkat harkat darajat sakur sindén. Nya, ku ayana tinimbangan éta, dina taun 2003, écésna tanggal 24 Pébuari 2003, Présidén Républik Indonésia, Mégawati Soekarno Putri, ngalélér pangajén Satya Lencana Kebudayaan. Éta layang pangajén téh dipasrahkeun ku Bupati Subang, harita mah masih H. Rohimat. Demi annu narima layang pangajén téh tangtuna ogé pihak ahli waris almarhumah Titim Fatimah. Mémang kaitung leuir. Tapi batan henteu mah, Mégawati Soekarno Putri perelu diacungan jempul, ku ayana titén ka seniwati nu mibanda jasa dina widangna jeung kamasarakatan. Puguh baé sakur baraya Titim Fatimah bakal (kudu) ngarasa reueus ku ayana éta layang pangajén. Malah sakur urang Sunda, geus kuduna mikareueus Titim Fatimah. Ari para sindén mah, nya teu kudu dicaturkeun deui. Sok sanajan, jaman ayeuna mah, karéréan para praktisi vokal téh, sok leuwih reueus disebut penyanyi, artis, biduan, atawa sélébritis, batan disebut sindén. Naha bener dunya kapasindénan geus ilang dangingan? Mangga baé barandungan ku sadayana. Cag.***

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...