Bagikeun ka Lapak Facebook

Basa SundaPangajaran Basa SundaKemis, 12 Juli 2012 06:37

Wawanohan jeung Notasi Lagu

Ku Kania Pujasari

 

DINA notasi lagu anu lengkep, sok aya katerangan, ti ngawitan judul lagu, larasna, katerangan embat, ukuran selang-surupna, lambing dinamika, jeung katerangan pencipta lagu, anu teu kinten pentingna. Yu, urang guar sabéngbatan, naon anu dimaksad katerangan-katerangan di luhur téh.

Judul lagu minangka hal anu pang-utamina, taya sanés mangrupi idéntitas notasi. Upama dipapandékeun ka jalmi mah, judul lagu téh sami sareng nami jalmi. Sasarina judul lagu, sok diserat pangluhurna, kalayan ngagunakeun hurup capital. Tujuanana, tangtos sangkan langkung écés katingalina.

Anu saterasna nyaéta katerangan laras, sok diserat handapeun judul lagu, di sisi palih kiwa. Demi maksadna, kanggo nguningakeun, naha éta lagu téh nganggo laras pélog, saléndro, madenda, atanapi degung.

Aya ogé katerangan ukuran selang-surupna lagu, anus ok ditulis handapeun katerangan laras. Demi maksadna taya sanés kanggo maluruh nada dasar anu bade dianggo. Laras pélog, madenda, jeung degung, mibanda rupaning ukuran surupan. Kilang kitu, ari nu sasarina mindeng digunakeun mah taya sanés:

Pélog Jawar (ukuran surupan anu nerangkeun "da" sarimbag jeung nada tugu ukuran surupan, atawa sok ditulis 1 = T), Pélog Sorog (ukuran surupan anu nerangkeun "da" sarimbag jeung nada panelu, atawa sok ditulis 1 = P), Pélog Liwung (ukuran surupan anu nerangkeun "da" sarimbag jeung nada galimber, atawa sok ditulis 1 = G), Madenda 4 = T (ukuran surupan "Ti" sarimbag jeung nada tugu), Mandenda 4 = P (ukuran surupan "Ti" sarimbag jeung nada Panelu), Madenda 4 = G (ukuran surupan "Ti" sarimbag jeung nada Galimber), Degung 2 = T (ukuran surupan "Mi" sarimbag jeung nada tugu), Degung 1 = T (ukuran surupan "Da" sarimbag jeung nada tugu), Degung Mataraman (ukuran surupan "Na" sarimbag jeung nada tugu, atawa ditulis 3 = 1).

Aya deui katerangan Embat, atawa sok disebut tempo. Nyatana katerangan gancang atawa téréhna lagu, anu dibagi jadi tilu tingkatan; lalamba (lambat, antarép), sedeng (sedang), jeung gancang (téréh, cepat, gandang, atawa kering).

Saterasna pasti bakal mendakan anu namina dinamika. Maksad téh taya sanés ngalihna atanapi pindah dina bagian hiji lagu. Dinamika bisa kaalaman dina embat, laras, surupan, volume, jeung téhnik pamidangan nu kudu dipintonkeun kalawan husus. Sasarina sok dibéré katerangan ku lambing anu disebat crescendo jeung decrescendo. Ari crescendo nyatana lambing anu nerangkeun lagu, tina halimpu kana heuras. Tandana siga kieu: <

Demi decrescendo mah nya sawangsulna tina crescendo, tina heuras jadi halimpu. Lambangna ogé siga kieu: >

Anu pamungkasna nyaéta pencipta lagu. Dina karawitan Sunda, aya nu disebat juru sanggi (jalmina), demi karya anu diciptakeunana disebat sanggian. Aya ogé anu disebat juru rumpaka, nyatana jalmi anu ngadamel rumpaka atawa syair. Saperti lagu Reumis Beureum dina Eurih. Juru rumpakana: Wahyu Wibisana, demi juru sanggina: Mang Koko.***

 

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...