Bagikeun ka Lapak Facebook

Arsip MediaKemis, 12 Juli 2012 06:36

Handjuang Pelak Éyang Djaja Perkasa

Ku Hilda Hidayati

 

Djaja Perkasa

Kula nancjebkeun ieu tangkal handjuang

Ciri asih ka Prabu Geusan Ulun

Mun seug ieu tangkal handjuang daunna subur

Tjitjiren kula unggul

Tapi mun seug ieu tangkal handjuang laju atawa perang

Tjitjiren kula kasoran di palagan

 

(± taun 1585)

 

RUNTUYAN kecap di luhur, nu munggaran kabaca, basa mimiti asup ka Cagar Budaya, anu perenahna di désa Padasuka, Sumedang Selatan. Ditulis dina marmer, kalawan némpél dina témbok. Di gigireunana aya tangkal handjuang sadapuran ngariung. Aya ogé nu tapak nigasan. Nya tangtuna ogé tangkal hanjuang iru, anu dipelak ku Éyang Djaja Perkasa téh, sakumaha anu ditulis dina batu marmer téa.

Ti mangsa ka mangsa, pelak hanjuang téh dimumulé, dipiara kalumangsungan hirupna tug nepi ka kiwari. Malah ku yasana Bapa Héndawijaya, tokoh jugala Sumedang, pelak hanjuang téh dikuribeng ku wangunan bénténg permanén, écésna dina mangsa Sumedang keur dipingpin ku Bupati Dr. H. Husén Yahya Saputra.

Puguh baé lingkung pelak hanjuang téh aya nu “nguncénan”. Kiwari anu kapapancénan miara tur nalingakeun kalumangsungan hanjuang téh nyatana Pa Hari, da anu mangmukakeun konci panto gerbang ogé Pa Hari. Antukna SB dibaturan ku Pa Hari, pangpangna mah ngawangkong ngeunaan pelak hanjuang. Numutkeun Pa Hari,  upama hanjuang geus katémbong kolot, daunna muguran, sok terus sirungan deui. Ké, upama sirung hanjuang geus ngarandakan ngajanggélék jadi hanjuang nu jangkung, mangka hanjuang nu muguran téh baris ditilas, dituar. Kitu jeung kitu baé, numatak henteu kungsi aya tangkal hanjuang nu badag ogé.

Kumaha upama aya nu hayang melak tangkal hanjuang, kalayan maké bibit tina hanjuang pelak Éyang Djaja Perkasa? Ceuk Pa Hari, ieu tangkal hanjuang téh mémang ahéng. Sabab tara daékeun hirup, upama mindahkeun atawa melakkeun tangkal hanjuang salian ti di éta dapuran. Dina hirupna ogé, da tara kungsi lila, kaburu muguran mantén, saterusna paéh. Matak, saur Pa Hari, tara bisa méré, lamun aya nu ménta ogé. Kalebar-lebar, da tara bisa hirup, ari lain dipelak dina dapuranna mah.

Pa Hari, nu kiwari ngurus, miara kalumangsungan warisan karuhun téh, tangtuna ogé mibanda SK ti pamaréntah. Nya dina sataun sakali, sok dilélér hadiah ti Yayasan Pangéran Sumedang, sasarina upama nyanghareupan Lebaran. Kilang kitu, Pa Hari miara tangkal hanjuang kalayan pinuh katineung jeung kadeudeuh geusan miara warisan karuhun, henteu alatan sok meunang hadiah.***

 

 

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...