Bagikeun ka Lapak Facebook

Basa SundaPangajaran Basa SundaKemis, 12 Juli 2012 06:18

Wawanohan Sareng Pupuh (2)

Ku Kania Pujasari

 

Papatokan Pupuh

Nyaritakeun perkara patokan pupuh, puguh baé unggal widang sekar ogé, pasti mibanda patokan séwang-séwangan.  Demi patokanna téh nyatana:

 

a.Sekar Kawi atawa Kakawén, Kabeungkeut ku guru laku. Demi anu dimaksud guru laku nyatana  guru hartina angkatan wirahma, ari laku nyaéta pungkasan wirahma. Écésna guru laku téh frase-frase dina unggal baris. Frase kahiji disebut guru, jeung frase pamungkas tina unggal baris dingaranan laku.

 

Contona bisa diilikan:

Nada sembah nireng hulun         

(Guru = engang)           

kapurba ring sang murbeng rat

(laku = 8 engang)

 

Rumpaka lagu éta kaasup kana widang Laku 8, sabab laku tina lagu di luhur diwengku ku 8 engang. Unggal lagu sasarina diwengku ku  guru dan laku. Upama guru kawengku ku 4 engang, sarta laku diwengku ku 4  engang, hartina éta lagu diwengku ku 8 engang. Nurutkeun  patokan Sekar Kawi, sakurang-kurangna lagu  téh kudu  diwengku ku 5 engang dina unggal baris atawa padapa­la. Demi jumlah engang dina unggal baris téh minangka hiji cicirén lagu dina Sekar Kawi. Di antarana:

 

Lagu 5, guru 1 jeung laku 4, disebut angkat Nanda,

Lagu 6, guru 2 jeung laku 4, disebut angkat Badra,

Lagu 7, guru 3 jeung laku 4, disebut angkat Nari,

Lagu 8, guru 4 jeung laku 4, disebut angkat Badrasri,

Lagu 5, guru 4 jeung laku 1, disebut angkat Tyukta,

Lagu 6, guru 4 jeung laku 2, disebut angkat Tyukta,

Lagu 7, guru 4 jeung laku 3, disebut angkat Madyama,

Lagu 8, guru 4 jeung laku 4, disebut angkat Patista,

 

Sasarina anu disebut pupuh-pupuh Sekar Kawi/Kakawén téh mibanda patokan: unggal pada/bait  diwengku ku 4 padapala/baris. Minangka contona mah bisa diilikan:

 

Pupuh Sardulawikridita

Lengleng ramya nikang, sasangka kumenyar mangrenggo rum ing puri,

Mangkin tanpa siring, haleb ikang umah, mas Iwir murub ing langit,

Tekwan sarwa manik, tawingnya sinawung, prasasat sekar si-nuji,

Unggwan sang Bandowati, yan amrem alangen, lan nata Duryu-dana.

 

Unggal padapala dina Pupuh Sardulawikridita diwengku ku 20 engang. Sayuluyna rumpaka éta ditarjamahkeun kana basa Indonesiakan ku Poerbatjaraka jeung Dr. Hooykaas. Demi hasilna, bisa diilikan:

Nyamanlah daya penggoda terang bulan yang bersinar dan menghias keindahan kaputren,

Lebih-lebih tak ada bandingnya lagi wisma kencana mempertun-jukkan keindahan yang seakan-akan menyala menjulang ke la­ngit.

Pula papan-papan semuanya dibuat dari mutu manikam/permata, diatur seperti sulaman bunga,

Itulah tempat persemayaman yang indah Sang Bandowati bilamana beradu kasih dengan Raja Duryudana.

 

Pedotan

Pedotan nyaéta lolongkrang waktu pikeun ngarénghap. Puguh baé pentingna mah, sabab iwal ti mibanda kagunaan pikeun narik napas téh, pedotan minangka daya keéndahan tina hiji lagu. Tangtuna ogé, pedotan anu dimaksud, geus diatur kalawan merenah, diluyukeun jeung ajén éstétika laguna. Atuh dina émprona ogé, dibédakan jadi dua rupa, nyaéta:

 

Pedotan Kenceng

Pedotan kenceng nyatana waktu pikeun narik napas (ngarénghap) anu geus diperenahkeun dina  bagéan ahir angkatan wirahma/padang/guru dina saban padapala/baris. Contona bisa dicobaan:

 

Sekar manis                              ‘kasilir ku angin

Sekar ligar                                 ‘katebak maruta

Jangkrik                                     ‘dihantem diunda

He' barudak                               ‘kudu mikir ti leuleutik.

 

‘ = cicirén pedotan kenceng.

 

Pedotan kendor

Upama aya nu kenceng, tangtu aya nu kendor. Pedotan kendor nyaéta nempatkeun waktu pikeun ngarénghap dina ahir baris /padalapa/padalisan. Sasarina, ahir baris sok dingaranan selehan atawa sumeleh. Jadi pedotan kendor téh perenahna dina selehna lagu. Dina pedotan kendor bisa ngagunakeun waktu pikeun ngarénghap kalayan saloba-lobana. Pikeun ngabédakeunana, mendik ilikan (bari cobaan galindengkeun)  rumpaka  Sekar Kawi tina Pupuh Pananggalan:

 

Siyang pantara latri  ‘amung cipta pukulun o*

ta lyan kaeksi ‘mila katur kang cundumanik

parsasat rageng ‘hulun kang sumembah ‘munggwing padantaprabu o*

myang     kagunanta     singsim    ‘sasat    sampun    prapti’

Rama dewaningsung o*

 

          = tanda pedotan kenceng

o*        = tanda pedotan kendor.

 

 

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...