Bagikeun ka Lapak Facebook

Basa SundaPangajaran Basa SundaKemis, 12 Juli 2012 06:17

Wawanohan Sareng Pupuh (3)

Ku Kania Pujasari

 

Sekar Ageung

 

Sasarina patokan Sekar Ageung anu sok disebut Tembang Gedé, teu pati géséh patokanna téh jeung  aturan atawa patokan Sekar Kawi atawa Kakawén.

 

Sekar Tengahan

Patokan Sekar Tengahan atawa Sekar Dagelan, pakaitna jeung jumlah baris unggal bait, guru wilangan, jeung guru lagu. Demi anu dimaksud jumlah baris unggal pada, nyatana unggal pada  kacida nangtukeun pisan kana wanda pupuh. Contona dina pupuh:

Maskumambang, diwengku ku 4  padalisan dina unggal pada.

Magatru, diwengku  ku  5 padalisan.

 

Contona bisa diilikan dina Pupuh Magatru ieu::

Baris ka-1          Itu naon dicangcang di alun-alun,

Baris ka-2          Siga-siga anak sapi,

Baris ka-3          Kagungan Dalem Tumenggung,

Baris ka-4          Bumina anu diloji,

Baris ka-5          Hateup kenténg bilik tembok.

 

Atawa conto anu ieu:

 

Baris Ka-1          Peuyeum sampeu dagangan ti Ranca Purut,

Baris ka-2          Dijual dua saduit,

Baris ka-3          Dibungkusan daun waru,

Baris ka-4          Dituruban daun jati,

Baris ka-5          Katuangan anu ompong.

 

Guru wilangan

Sanggeus jumlah baris dina unggal pada bisa kapanggih, satuluyna kudu ngimeutan guru wilangan dina unggal baris éta. Demi anu dimaksud istilah guru wilangan téh nyatana jumlah engang dina unggal bait. Contona, urang ilikan deui baé pupuh magatru nu dipaké conto dina saméméhna:

1)         Itu naon dicangcang di alun-alun =          12         engang

2)         Siga-siga anak sapi                         =     8          engang

3)         Kagungan Dalem Tumenggung     =         8          engang

4)         Bumina anu di loji                        =        8          engang

5)         Hateup kenténg bilik témbok      =            8          engang

 

Conto séjén dina pupuh Maskumambang :

1)         He ' barudak kudu mikir ti leuleutik,          =          12 engang

2)         Manéh kahutangan,                                =          6 engang

3)         Ku kolot ti barang lahir,                           =          8 engang

4)         Nepi ka ayeuna pisan                              =          8 engang

 

Kasimpulanana, sakur pupuh anu kaasup dina Sekar Tengahan, kasengker ku guru wilangan.

 

Guru lagu

Anu dimaksud guru lagu téh taya lian  beurat atawa hampangna tekanan dina maca puisi. Pangpangna  dina basa Sanskerta atawa basa Kawi. Ku ayana guru lagu dina cara maca basa Kawi atawa basa Sanskerta, satuluyna aya anu disebut istilah irama basa. Ari irama basa mibanda ukuran jeung ngaran séwang-séwangan. Tapi, harti guru lagu di dieu, kacida bédana jeung harti guru lagu anu sok dipaké dina tembang. Ari dina karawitan Sunda mah, anu dimaksud  istilah guru lagu téh taya lian sora vokal ahir dina unggal baris atawa padalisan. Dina tembang Sunda, guru lagu disebut engang panungtung, nyatana vokal ahir dina unggal baris atawa padalisan. Contona mah mending ilikan Pupuh Maskumambang karya Niart Kancana Dewi (dimuat dina Mangle) di handap ieu:

 

MASKUMAMBANG TOBAT DIRI

 

Enung apal kai teu kalis ku angin              ( i )

Sami pada nyorang                                            ( a )

Éta mah papastén Gusti                                      ( i )

Anu ngatur kahirupan                                         ( a )

 

Siga hirup Enung anu keur disungsi

Aralna mah aral

Namung alim leumpeuh yuni

Da émut ka Nu Kawasa

 

Tuda ti jaman cacing dua saduit

Sanés darawuan

Tos jadi sabiwir hiji

Lieuk euweuh, ragap taya

 

Sakapeung kahayang kawas supa jadi

Luhur kuta dunya

Siga hirupna kang haji

Ngan jauh taneuh ka langit

 

Kang haji mah deukeut ka Nu Maha Suci

Teu leupas ngadunga

Ka Alloh gé tara lali

Ati putih badan bodas

 

Teu cara kahirupan Enung kiwari

Nu can ngubur tapak

Nu tacan babalik pikir

Asa tungkeb bumi alam

 

Alloh anu maha welas sareng asih

Enung badé tobat

Ayeuna mah moal mungkir

Rumaos reuntas ku tingkah

 

Ti danget ieu ka Alloh moal tebih

Dina unggal léngkah

Nitip diri sangsang badan

Ngajalankeun paréntah-Na

 

Citraloka, 1998

 

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...