Bagikeun ka Lapak Facebook

Ukur BanyolHeuheuy DeuhKemis, 12 Juli 2012 04:20

Ma, Uing Luluuus!

Ku Dhipa Galuh Purba

 

BÉJANA Ema Uing ngayakeun acara riuangan di lembur, dina raraga sukuran pédah uing katampa kuliah. Malah domba bikang kadeudeuh Ema ogé, ahirna mah dipeuncit. Mangkaning éta téh keur hancengan engké lamun uing kawin. Teuing kunaon, aya ku atoheun-atoheun teuing basa Ema ngadéngé béja, mun yén uing lulus ujian asup. Bisa jadi alatan (ahirna mah) uing daék daftar ka IAIN Sunan Gunung Djati, sakumaha anu dipiharep ku jenatna bapa uing baheula. Jeung deui, mémang uing ogé ngarasa hémeng. Sabab boga paniatan daftar ka IAIN téh, dina sapoé saméméh poé panungtungan pendaftaran mahasiswa anyar ditutup.

Kamari pasosoré, Ema geus nelepon deui baé ka uing. “Iraha rék diwisuda?” cenah. Puguh baé rada ngaranjugna mah. Kakara ogé asup, geus nanyakeun wisuda. Tapi uing teu wani, ari nyalahkeun mah. Ukur dijawab baé kalayan sopan (da ka indung), “Ma, Uing bakal geura-geura diwisuda, asal bayaran SPP jeung uang good morning lancar!” cekéng téh. Mémang kacida ngawadulna. Tapi mun teu salah mah, uing kungsi ngadéngé, ngawadul ogé aya nu suci cenah.

Tapi anu leuwih ngajangarkeun kana uteuk mah, basa Ema nanyakeun, “Geus boga kabogoh ka mahasiswi IAIN? Bawa atuh ka lembur!”  kitu pokna téh, daria naker. Ah, langsung baé ditémbalan, “Kéla, Ma. Uing keur rada barieukeun milihna. Sabab ampir sakabéh mahasisiwi IAIN barogoheun ka uing.” Ngarah téréh maksud téh.

*

Mimitina mah uing téh rék daftar ka fakultas Tarbiyah. Sabab Néng Lina hayangeun boga salaki ka guru MI. Tapi kulantaran Néng Lina kaburu pinanggih jeung jodona, antukna niat uing jadi bolay. Malah uing geus gilig, rék daftar ka fakultas Adab baé, jurusan bahasa jeung sastra Arab. Maksud téh ngarah bisa nyarita ku basa Arab. Apan prustasi téa. Uing mah cita-cita rék jadi TKI baé ka Arab Saudi. Tatangga uing ogé aya nu digawé di Arab, balikna jadi beunghar ngadadak. Ras inget deui kana omongan mamang uing, anu nyebutkeun mun yén uing mah rada aya bakat asup ka Fakultas Ushuludin. Pajarkeun uing kudu neuleuman aqidah filsapat.

Geus panceg tadina mah, uing rék daftar ka fakultas Ushuludin. Tapi kamari pabuburit, aki uing nga-SMS. Eusina nitah uing asup ka Fakultas Dakwah. Malah dina SMS-na anu teu pati panjang, Aki maké téh maké jeung ngancam sagala rupa: Lamun uing teu daék asup ka fakultas Dakwah, Uing moal dibéré deui jangjawokan keur mélét awéwé. Puguh baé jangarna mah. Bingung anu teu manggih tungtung teh lain bobohongan. Anu ahirna mah uing téh inget ka papagah Ustad Otong, guru ngaji uing di lembur. Cenah mah lamun uing bingung dina nangtukeun pilihan, uing kudu ngalaksanakeun solat Istikharoh.

Bener baé omongan Ustad Otong téh. Sanggeus uing ngalaksanakeun solat Istikharoh, uing tuluy ngimpi anu rada ahéng. Dina éta impian téh, uing ngadadak anjog ka buruan imah Bah Dinta, dukun sohor di Cigorowék. Harita téh wanci tengah peuting keur meujeuhna jemplang-jempling. Kadéngé sora anjing babaung, ditéma ku sora manuk bueuk jeung bebenca. Na atuh, ari reup téh, listrik ngadadak pareum. Di lembur uing mah disebutna téh aliran. Tapi teu kudu diperkarakeun masalah éta mah. Nu penting listrik pareum. Ngajadikeun uing lumpat sakalumpat-lampét, nepi ka ahirna mah uing hudang.

Rada uleng mikiran impian téh. Uing satékah polah ngahubungkeun aliran listrik jeung fakultas di IAIN. Nénéangan jurusan anu aya patula-patalina jeung aliran listrik, tétéla rada hésé. Nepi ka antukna mah, uing manggih jurusan anu kaitung mémper atawa deukeut-deukeut jeung impian. Ditilik tina ngaranna ogé, teu pati géséh. Bréh, uing maca “JURUSAN JURNALISTIK”. Ras inget kana “ALIRAN LISTRIK”. Enyaan, méh sarua kecapna ogé. LISTRIK jeung JURNALISTIK. Atuh teu loba mikir deui, gutret baé uing nuliskeun Jurusan Jurnalistik dina formulir pendaftaranana. Mangkaning éta jurusan téh ayana di Fakultas Da’wah. Ku kituna, uing moal kudu pacogrégan jeung aki uing.

Alhamdulillah. Teu sakara-kara ning impian téh. Uing katampa pisan di éta jurusan. Mangkaning hadé pisan, da pituduh ngimpi téa. Matak uing rék menta pangdu’a ti saréréa. Uing rék ngamimitian kuliah di Jurusan Jurnalistik IAIN Sunan Gunung Djati Bandung. Bismillahirrohmaannirrohiim.***

 

Cipadung, 4 Rajab 1423 H (basa mimiti katarima kuliah di IAIN SGD Bandung)

 

Dimuat di Majalah Manglé No. 1880, 19-25 September 2002

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...