Bagikeun ka Lapak Facebook

Basa SundaUnak-anikKemis, 12 Juli 2012 03:02

Lamun ngarasa digeugeuleuh

Ku Dhipa Galuh Purba

BANGET ngarasa prihatin sabada maca ‘surat ti nu maca’ Ny. Dédéh (Koran Sunda/18/01/07). Saurna, putrana anu masih kénéh nyuprih pangarti di salahsahiji SMA kota Bandung, sok nandangan panghina (pelecehan seksual) ti lalaki nu maraké saragam SMA. Ari tempat kajadian perkarana téh persis di gang nu muru ka bumina. Ceuk sawangan, lain Ny. Dédéh baé anu nyanghareupan pasualan sarupa kitu téh. Bisa jadi, loba pisan ngan henteu balaka ngaliwatan média.

Tadina mah miharep aya nu mairan, boh ti aparat satempat, boh ti guru. Sabab Ny. Dédéh nganti susuganan aya para mitra Koran Sunda anu tiasa masihan bongbolongan. Hanjakal pisan, didago-dago téh henteu jebul baé. Saur Ny. Dédéh, aparat satempat ukur nyebutkeun henteu cukup buktina. Padahal ari kuduna éta laporan téh dijieun dadasar pikeun nuntaskeun pasualan kalayan leuwih daria. Sakurang-kurangna, lain nyebutkeun henteu cukup buktina, tapi siap ngusut éta pasualan kalayan sumanget. Kalah kumaha ogé, anu penting mah kudu dipaluruh heula kasangtukang éta barudak bangor. Sakolana di mana? Atawa ukur akon-akon maké baju SMA (gadungan)? Lamun geus kapanggih mah, ka dituna moal bangga teuing nuntaskeunana.

Bari nganti ketak aparat dina nindak barudak bangor téa, aya hal perkara anu bisa dicoba ku Ny. Dédéh. Salaku manten budak bangor keur jaman SMA, kuring rék ngadadarkeun sawatara perkara anu dipikasieun (tapi kuring mah henteu kitu-kitu teuing bangorna, da kabogoh ogé kurang kumaha geulis tanding widadari). Saur Ny. Dédéh, modus operandi barudak bangor téh akon-akon nanyakeun jam. Sabot keur ngilikan arloji, jol gap baé kana pinareup putrana Ny. Dédéh. Mémang rada ‘cerdas’ barudak téh. Jadi, engké deui mah putra Ny. Dédéh mending ulah nganggo arloji, ngarah henteu ditanya jam.

Tapi bisa baé éta barudak bangor téh nanyakeun hal séjén, saperti akon-akon nanya alamat atawa nanya buku naon anu dibawa dina tas. Jadi, masih kénéh henteu aman. Aya saéna Ny. Dédéh ngorbankeun waktu sababaraha menit kanggo ngajemput tuang putra ka payuneun gang. Biasana ari aya sepuh mah, barudak bangor téh tara kumawani. Lamun Ny. Dédéh teu gaduh waktos kanggo ngajemput, tiasa nugaskeun rakana, mamangna, atawa saha baé nu bisa dipercaya. Lamun perlu, sawios nyéwa hansip pikeun ngajemput tuang putra ka lawang gang.

Lamun ku dijemput ogé masih kénéh maceuh, éta budak bangor téh penting pikeun dipotrét. Laporkeun ka aparat satempat dibarengan ku potona. Lamun motrét mah rada bangga, catet atuh plat nomber motorna. Leuwih babari ngalacakna ogé lamun apal plat nomberna mah (kadé wé bisi lepat nyatet).

Putra Ny. Dédéh, matak barudak bangor hayang ‘rada ngaranjah’ ogé, tangtu éta murangkalih, aéh mojang téh mibanda dedeg sampulur dibarung raray rancunit. Hanjakal Ny. Dédéh henteu ngadadarkeun raksukan anu sok dianggo ku tuang putra. Aya di antara barudak bangor, anu ngarasa ajrih ka mojang anu buni. Maksad téh, mojang anu nganggo erok dugi ka mumuncangan, acukna panjang, komo upami nganggo jilbab. Sajabana tumut kana syaréat Islam, sakaligus nyiar tarékah pikeun ngajaga titingalian ‘bangor’ barudak bangor jeung barudak bageur.

Bangbaungeun, komo janten ngedul sakola alatan diheureuyan ku barudak bangor, tangtu baé moal nuntaskeun pasualan. Putra Ny. Dédéh kedah sumanget tur optimis tiasa mayunan tur éta pasualan. Sajabana ti nyiar tarékah pikeun nyingkahan gangguan barudak bangor, tong hilap anu utamina nuhukeun panyalindungan ka Gusti Nu Maha Suci. Ngadu’a nuhunkeun kasalametan urang, bari ngadu’akeun ibu-rama urang. Pasrahkeun sagala rupina ka Nu Maha Suci, kumargi tugas urang mah ukur ihtiar jeung ngadu’a. Mugia baé putra Ny. Dédéh sing janten “Zinatul Hayaatid Dunya”, papaés kahirupan dunya, hiji putra soléh anu ngabagjakeun rumah tangga ibu ramana, amiin.***

Citraloka, 10 Muharam 1428 H

Dimuat dina Majalah Bina Da’wah, taun 2007

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...