Bagikeun ka Lapak Facebook

Sastra SundaSajakKemis, 12 Juli 2012 01:00

Sajak keur Wanci

Ku Dhipa Galuh Purba

---Haturan Eulis

 

I

Ieu sajak ditulis pikeun mapag balébat anyar

Balébat nu reumbeuy harepan

susuganan kebek kabagjaan

Sabada nyorang pirang-pirang tunggara, lara katalangsara

Di lemah cai loh jinawi nu ngaruang rupaning kingkin

Tina jumerit nu kabanjiran, kocéak nu kacaahan…

Haling aling-aling nu mindingan karungsing di pangungsian!

Da geuning tiis jempling

henteu bisa nyingraykeun lalangsé éling

Kasimpé henteu bisa mépés haté nu béléké

 

Ieu sajak minangka jengléngan balébat cinta keur anjeun

Najan mindeng ngabérok atawa lunta ninggalkeun

Sakapeung ngancik rasa ringrang melang hariwang

Sieun beuki jauh ninggalkeun tur hamo kaudag

Tapi satékah-polah cadu serah bongkokan

Satungtung rénghap masih kénéh marengan

Najan kudu rénghap-ranjug

 

Da bongan urang diguratkeun

pikeun silih udag tur paudag-udag

silih susul tur pasusul-susul

anjeun mindeng diudag-udag

Tapi lantaran dunya téh buleud

bet asa anjeun anu ngudag-ngudag.

 

Sakapeung leumpang babarengan

silih teuteup binarung geugeut

Najan urang henteu kungsi paheut

tapi da haté mah duh… matak reugreug.

Kahayang mah salawasna padeukeut

dibeungkeut simpay kadeudeuh nu maneuh tur pageuh

 

 

II

Anjeun mindeng lunta

Malah ngejat bari henteu napak

Kétang, boa tapak-tapak anjeun téh natrat ngagurat

Tapi kaburu lantis ku hujan sapeuting

Atawa tapak anjeun geus lééh

kapentrang panon poé nu teu weléh morérét

 

Naha atuh anjeun téh mindeng ngapilainkeun?

Naha anjeun tara ngalieuk mangsa ngejat ka jauhna?

Basa anjeun beuki jauh ninggalkeun

Aya timburu nyangkaruk ngarumeukan kalbu

Da bongan anjeun siga nu pilih-kasih

Ukur siga…apan siga mah jauh ka enya

Sabenerna haté banget yakin:

Anjeun tara cueut ka nu hideung

tara ponténg ka nu konéng

tara pipilih ka nu beresih

tara ngalédot ka nu laledok

 

Duh… kahayang téh anjeun eureun

sadetik wé, dagoan…!

Dagoan nepi ka urang bisa babarengan

Silih tuyun sauyunan.

urang pagilinggisik, tapi boa surti

kana lalakon kaliwat

carita anu keur dipedar

jeung lalampahan nu baris kasorang

 

III

Réa nu ngudag-ngudag anjeun

Boa sakumna mahluk kabungbulengan

Hayang laksana réndéngan jeung anjeun

romantis

Sabab saréréa geus pada surti:

sing saha anu henteu bisa micinta anjeun,

mangka hirupna bakal rugi.

 

Tangtu ieu diri embung rugi.

Najan anjeun geus lunta leuwih tiheula

ieu diri mani yakin, yén anjeun tetep nganti

pikeun marengan muka tulak kabagjaan

Ukur jalma bodo nu hirupna embung bagja!

Tapi anéh, ieu diri mani bangga kabina-bina:

nitih anjeun nu mustari, ninggang anjeun nu utama

hayang jadi jalma iman tur soléh,

anu silih wasiatan dina bebeneran jeung kasabaran.

Bray… balébat nu reumbeuy pangharepan!

 

Ranggon Panyileukan, 31 Desember 2007

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...