Bagikeun ka Lapak Facebook

PadaringanCahya SinanglingKemis, 12 Juli 2012 00:32

Juma’ahan di Masjid Nurul Huda, Buahbatu, Bandung

Ku Dhipa Galuh Purba

SASARINA mah tara kabagéan di jero masjid ari Juma’ahan di Bandung téh. Tapi da bonganna salah sorangan, sok mandeurikeun manéh inditna, ari mulangna sok hayang pangheulana. Tadi mah rada rurusuhan inditna, hayang kabagéan tempat di jero kalayan teu kudu mikiran sendal, da aya penitipan ieuh. Alhamdulillah, anjog ka Masjid Nurul Huda, Jalan Kliningan, Buahbatu, Bandung. Masih kénéh lowong di jero. Bér baé ngamparkeun sajadah, tuluy solat Tahiyatul Masjid.

Réngsé solat, karérét Agung Julianto kakara mucengis bari nénéangan tempat di lawang. Tadina mah rék ngageroan, sina diuk gigireun. Tapi ras inget caritaan aki, lamun keur Juma’ahan ulah nyarita nanaon, kudu husu ngabandungan khotib. Lamun Agung digeroan, pasti bakal ngajak diskusi sajeroning khotib keur khutbah. Nu matak, mending teu ngageroan wé.

Khotib naék mimbar, kalayan ngawitan khutbah. Haaar... geuning khotibna kaleresan Kang Irfan Anshory, kasepuhan anu gedé katineung kana sastra Sunda. Kungsi sababaraha kali diskusi jeung Kang Irpan. Anu inget baé téh basa Kang Irpan ngabahas carpon bulan puasa, kalayan disarengan ku panyatur Duduh Durahman (redaktur Manglé). Demi jejer diskusi téh nyaéta “Puasa dina Sastra Sunda”. Harita kuring ogé kabagéan maca salahsahiji carpon tina buku Dongéng Énténg ti Pasantrén, karya RAF (alm). Dina éta diskusi, diluuhan ogé ku Kang Ajip Rosidi, Kang Hawé Setiawan, Dadan Sutisna (panumbu caturna), Kang Acép Zamzam Noor ti pasantrén Cipasung Tasikmalaya, jsté.

Pedaran Kang Irafan matak resep ngabandunganana. Kang Irpan ogé lancar nyarita basa Sunda, sanajan logatna lampung. Kang Irfan Anshory téh direktur Pendidikan Bimbingan Belajar "GANESHA OPERATION"; sok nulis ogé buku-buku Kimia SMA (Penerbit: Ganeca Exact, Armico, dan Erlangga); Instruktur "Nilai-nilai Dasar Perjuangan" (NDP) di perkaderan HMI sarta "Latihan Mujahid Da`wah" (LMD) di Masjid Salman ITB. Sakali-kali jadi pembimbing umrah jeung haji. Dina taun 1974-1975 kungsi jadi Ketua Umum HMI Korkom ITB; 1975-1976 Ketua Bidang Kader HMI Cabang Bandung; 1976-1978 Ketua Bidang Kader HMI Badko Jawa Barat; 1979-1981 Ketua Bidang Kader PB HMI (Periode Abdullah Hehamahua); 1981-1985 Ketua Umum Pemuda Muhammadiyah Wilayah Jawa Barat; 1985-1989 Ketua PP Pemuda Muhammadiyah (Periode Habib Chirzin); 1990-1995 Ketua Majelis Tabligh Muhammadiyah Jawa Barat; 1995-2000 Wakil Ketua Pimpinan Wilayah Muhammadiyah (PWM) Jawa Barat jeung Anggota Tanwir PP Muhammadiyah. Dina taun 1998-2000 Kang Irfan jadi Ketua DPW PAN Jawa Barat; 1999-2001 Ketua Fraksi PAN DPRD Propinsi Jawa Barat; 2002-2004; Ketua Komisi F (Sumber Daya Alam dan IPTEK) DPRD Propinsi Jawa Barat.

Dina khutbahna, Kang Irfan medar jejer “Toléransi Agama Islam”. Ceuk Kang Irfan, urang kudu da’wah atawa salawasna umajak ka sakumna manusa di alam dunya pikeun ngagem agama Islam. Tapi urang teu kudu maksa, sabab dina Islam teu ngajarkeun paksaan. Urang kudu ngajénan ka agama séjén, tapi lain hartina nganggap sakur agama bener. Anu bener mah ukur Islam, tur urang kudu yakin pisan, teu meunang asa-asa.

Kang Irfan ogé ngabahas ngeunaan sempalan ahmadiyah nu ayeuna keur meujeuhna harénghéng. Nurutkeun Kang Irfan dina khutbahna, ahmadiyah mah ngaruksak Islam ti jero. Sabab maranéhna ngaku Islam, tapi aqidahna béda, nyaéta percaya aya nabi séjén sabada Nabi Muhammad SAW. Jadi, jelas pisan ahmadiyah mah rék ngaruksak Islam.

Kang Irfan mere conto kasus di luar nagri, ngeunaan sakumpulan jalma anu ngagem agama anyar. Maranéhna sacara jujur ngakukeun agama anyar, tur lain agama Islam. Éta mah keun baé, da geus puguh sasab. Anu bahaya mah nyaéta anu ngaku Islam, tapi ajaranna jeung aqidahna papalimpang jeung Islam. Kuduna ahmadiyah ogé ulah ngaku Islam, nya enggeus wé agama ahmadiyah, ngarah teu ngiruhan jeung ngabingungkeun umat Islam.

Ukur agama Islam anu ngajarkeun toléransi. Dina kitab agama séjén mah euweuh ajaran toléransi. Lamun umat agama séjén ngalakukeun toléransi, éta mah lantaran kasadaran kana hukum. Ku kituna, lamun umat Islam mayoritas, mangka umat agama séjén bakal aman da puguh Islam ngajarkeun toléransi. Tapi lamun sabalikna, Islam nu minoritas, mangka umat Islam bakal katalangsara sabab dina agama séjén mah euweuh ajaran toléransi.

Umat Islam teu kudu paséa alatan béda mazhab. Lantaran éta mah mangrupa béda cara nafsirkeun, da ari aqidah mah tetep sarua. Mazhab lain sékte. Nu jelas mah sarua migusti Alloh SWT, nabina Muhammad SAW, kalayan sami-sami solat lima waktu wajib, puasa Ramadhan wajib, jeung kawajiban-kawajibanana. Ari ahmadiyah mah kalintang béda, jadi ahmadiyah lain Islam. Mun maranéhna ngaku Islam, tangtu baé lamun perelu kudu diperangan.

Kacindekanana:

  1. Umat Islam kudu umajak ka sakumna manusa di alam dunya pikeun ngagem Islam, tapi lain ku cara maksa mirusa.
  2. Urang kudu ngajénan umat agama séjén, tapi lain hartina nganggap sakur agama bener. Nu bener mah ukur Islam.
  3. Ahmadiyah ngaruksak Islam ti jero, lantaran ngaku Islam bari aqidahna papalimpang. Jadi, lamun perelu, kudu diperangan.
  4. Islam ngajarkeun toléransi, sarta dina kitab agama séjén mah taya ajaran toléransi.
  5. Umat Islam teu kudu paséa alatan béda mazhab, satungtung aqidahna sarua.

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...