Bagikeun ka Lapak Facebook

PadaringanCahya SinanglingKemis, 12 Juli 2012 00:26

Juma’ahan di Masjid Al-Ikhlas, Dayeuhkolot, Kabupatén Bandung

Ku Dhipa Galuh Purba

Juma’ah, 4 Juli 2008, juma’ahan di Masjid Al-Ihlas, Kampung Bojongasih, Désa Dayeuhkolot, Kecamatan Dayeuhkolot, Kabupatén Bandung. Rada tinggaleun ka Masjid téh. Basa hawar-hawar nu ngagalindengkeun adan, kuring masih kénéh di jalan, rurusuhan asup ka jero gang, bras ka buruan masjid.

Ngilikan tempat di jero masjid, tapi geus pinuh. Antukna kabagéan dina téras, padeukeut pisan jeung kumpulan barudak leutik anu teu weléh ricit siga jaman kuring keur leutik. Nu khutbah kurang écés kakupingna. Tapi nu jelas mah ngaguar jejer ngeunaan syukur nikmat jeung kufur ni’mat. Khotib ogé titén kana pasualan anu keur meujeuhna tumiba, saperti ayeuna keur meujeuhna rariweuh nguruskeun barudak anu daptar sakola. Khutbahna maké basa Indonésia, kalayan sakapeung campur kodeu tur alih kodeu kana basa Sunda. Sabab sapopoéna masarakat di Bojongasih umumna nyarita ku basa Sunda.

Ningali barudak nu ngalobrol mangsa khutbah, bet ras inget ka jaman keur budak. Harita, Juma’ahan téh sok di Masjid Jambé Simpar, Panjalu, Ciamis. Baheula mah aya loténg (lanté dua) Masjid Jambé Simpar téh. Ampir saban Juma’ahan, barudak leutik mah sok di loténg, kaasup kuring. Mangsa khotib keur khutbah, puguh baé récokna mah. Malah kuring sok mindeng panco jeung babaturan saentragan, sakapeung nepi ka katutuluyan paséa. Mun kabeneran kabeuli roko, sok diududna téh mangsa keur khutbah. Sabatang téh bisa nepi ka dikenyot ku 15 urang. Bangor jeung lalenger pisan kuring jeung babaturan saentragan jaman harita. Sakalieun aya nu ngageunggeureuhkeun, ukur samet jempling sababarah menit. Teu lila, récok deui, panco deui, nepi ka réngsé jumaahan téh lain meunang pencerahan, da kalah paregel leungeun.

Perkara barudak nu hareureuy di masjid mangsa Juma’ahan atawa tarawéhan, mémang geus tradisi. Puguh baé lain hartina kudu dipiara. Barudak ogé perelu diaping sangkan tartub di masjid, tapi carana teu meunang ku sentak-sengor. Sabab ku daékna ka masjid ogé, geus jadi salahsahiji latihan pikeun ngaraketkeun jiwa barudak ka masjid. Sangkan jadi kabiasaan deukeut jeung masjid. Perkara hareureuy baé, tinggal lelempeng wé lalaunan. InsyaAlloh lila-lila mah barudak ogé da bakal ngarti, komo ku terus nambahanna umur.

Basa kuring sok paséa jeung babaturan saentragan, kuring tara bébéja ka kolot, da basa sakali mangsa ngadu ogé kalah dicarékan. Majarkeun téh: ulah sok paséa, mending ngéléhan wé, urang mah jalma teu boga! Ku kituna, kuring tara bébéja deui, kalayan dina haté manteng hayang beunghar, ngarah paséa teu kudu ngéléhan. Béda jeung sababaraha urang babaturan, anu teu kaopan. Paling henteu, bébéja ka lanceukna, anu antukna kuring sok diajakan gelut ku lanceukna, anu tangtu baé umurna jauh saluhureun kuring.

Leupas tina perkara Juma’ahan, kuring kungsi dihurup ku tilu pamuda, basa kuring keur kelas 14 taun. Nepi ka ayeuna dipikir dibulak-balik ogé, da kuring asa teu salah harita téh. Ari pamuda anu ngahurup kuring, rata-rata umurna 25 taun. Puguh wé nepi ka ayeuna hésé dipohokeunana. Tapi rasa dendam dikadalikeun, da moal aya mangpaatna. Enya, lamun kuring niat dendam, tangtu wani pisan. Ayeuna awakna geus sababad, malah gedé kénéh kuring.

Ku kituna, ka barudak leutik kudu nyaah jeung ulah disapirakeun. Aping ku rasa cinta. Sabab, isuk jaganing géto, barudak téh bakal ngagedéan. Tina awakna ukur sacangkéng, isuk jaganing géto mah teu pamohalan leuwih jangkung luhur simbar dada. Barudak nu balangor mémang kudu digeunggeureuhkeun, tapi carana nu kudu rapih téh. InsyaAlloh éta budak salawasna bakal nineung ka nu ngaping ku pinuh kadeudeuh. Kuring ogé teu weléh nineung tur hormat ka jalmi-jalmi nu sok ngaping kuring ku cara nu pikayungyuneun.***

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...