Bagikeun ka Lapak Facebook

PadaringanCahya SinanglingKemis, 12 Juli 2012 00:24

Juma’ahan di Masjid Jami’ul Mutaqin, Pasirloa, Kadakajaya, Tanjungsari, Sumedang

Ku Dhipa Galuh Purba

Juma’ah, 11 Juli 2008, juma’ahan di Masjid Jami’ul Mutaqin, Kampung Pasirloa, Désa Kadakajaya, kacamatan Tanjungsari, Kabupatén Sumedang. Jumaáhan di Masjid Jamiúl Mutaqin minangka pangalaman anu munggaran. Ti jalan gedé téh kudu nyorang ka jalan satapak. Bras ka lebah tangkal sawo anu ngarangkidak. Tah di lebah dinya perenahna masjid Jamiúl Mutaqin téh. Langsung blus wé ka jero masjid, henteu kudu néangan heula cai keur wudu, sabab geus wudu di imah Dadan Sutisna. Hadéna di sajajalan teu pasanggrok jeung wanoja, henteu kudu sasalaman, jadi henteu batal wudu. Panggih kétang jeung Annisa Wulandari, budakna Dadan. Puguh wé paantel kulit. Tapi da éta mah budak, kakara 5 taun, moal ngabatalkeun wudu sigana mah. Puguh wé mangkat jumaáhan téh jeung Dadan Sutisna, da manéhna anu apaleun jalanna. Ngan sanggeus nepi ka masjid mah diuk rada pajauh, sabab sieun Dadan ngajakan diskusi carpon atawa internét. Sabab ngobrol dina mangsa keur khutbah téh apan matak ngabatalkeun jumaáhan. Mun sotéh Miftahul Malik, jumaáhan téh béjana sok sempet SMSan sagala cenah. Duka leres henteuna mah, da can kungsi jumaáhan babarengan. Anu jadi khotib téh Mang Adar, kalayan khutbah ngagunakeun basa Sunda. Jejer khutbahna ngaguar mangpaat hirup. Jalma hayang panjang umur. Tapi percumah panjang umur ogé ari kalah loba dipaké maksiat mah. Hirup kudu dipakpé ibadah. Sabab tong boro di akhérat, dalah di dunya ogé bisa dicirikeun jalma tukang ibadah jeung tukang maksiat mah. Upama geus maot, ka jalma tukang maksiat mah moal aya nu nineung, komo ngaduákeun. Béda deui ka jalmi tukang ibadah, sabada pupus ogé namina tetep seungit nyambuang, dipikatineung, didarungakeun ku manusa anu masih kénéh hirup. Mang Adar ngasongkeun conto tangtungan Imam Syaféí jeung Imam Ghazali, anu nepi ka kiwari tetep dipikatineung, didoákeun, sanajan jalmina parantos pupus tapi jenenganna masih seungit ngadalingding. Pedaran khutbah Mang Adar henteu jauh ngawang-ngawang, tapi nyaritakeun réalitas sosial anu gampil kaharti ku sidang jumaáh urang pilemburan. Mageuhan tradisi pilemburan, boh basana, boh sikep dina nyorang kahirupan sapopoé. Enas-enasna mah umajak sangkan akur jeung dulur, akur jeung dulur, silih tulungan, silih bantu, nyingkahan pacéngkadan, ngajauhan maksiat. Ku sikep kitu, baris timbul sikep silih ajénan, anu antukna saling micinta sasama manusa. Dina sakali mangsa disaur ku Gusti Nu Maha Suci, tangtu baé bakal pada ngajajap ku duá nu iklas, moal aya nu kalah numpeng. Nu matak hélok, saréngséna Jumaáhan, sakabéh sidang jumaáh kompak nangtung. Tuluy ngantay pataréma tangan jeung sakabéhanana anu aya di masjid. Kuring ogé milu ngantay, sasalaman jeung sakur nu juma’ahan di Masjid Jami’ul Mutaqin. Sasarina di sawatara masjid nu kungsi dianjangan, tradisi sasalaman jeung sakur nu juma’ahan téh tacan kungsi ngalaman. Paling ogé sasalaman téh jeung nu kabeneran diuk kénca-katuhueun jeung hareup-tukangeun, saméméh khotib naék kana mimbar. Geus réngsé juma’ahan mah budal wé paheula-heula, tara sasalaman jeung nu séjénna, komo jeung khotib. Kabayang lamun di masjid Agung Bandung dibiasakeun sasalaman jeung sakumna sidang Juma’ah. Mémang bakal méakeun waktu nu rada lila. Tapi naon hartina waktu pikeun ngaraketkeun tali babarayaan jeung sasama muslim. Ku ayana pataréma leungeun jeung rébuan jama’ah, tangtu baé leuwih ngaraketkeun tali babarayaan. Sasalaman jeung sakur pangeusi masjid téh paling ogé sok kaalaman ku kuring dina dua kali sataun, di lembur kuring, Simpar, Panjalu, Ciamis. Nyatana sabada ngalaksanakeun sholat Idul Fitri jeung sholat Idul Adha.*** 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...