Bagikeun ka Lapak Facebook

Sastra SundaDrama SundaRebo, 11 Juli 2012 22:34

Duriat Bejad (Babak IV)

Ku Dhipa Galuh Purba

 

 

 

 

 

BABAK IV

 

Pak Kuwu asup ka satengahing aréna, dibarengan ku Ukro jeung Among.

 

Among

Bebaskan Néng Susi!

 

Kuwu Éon

Embung.

 

Among

Diratakeun ku aing siah imahna !

 

Kuwu Éon

Imah mana?

 

Among

Heueuh imah ieu.

 

Kuwu Éon

Ieu mah panggung?

 

Among

Apan dina caritana mah, ieu téh imah!

 

Kuwu Éon

Oh heueuh, poho euy. Sory, sory. Sahaeun ayeuna dialogna?

 

Among

Aing.

 

Kuwu Éon

Sok atuh!

 

Among

Enya sok burukeun!

 

Kuwu Éon

Burukeun naon ?

 

Among

Pasrahkeun Néng Susi!

 

Kuwu Éon

Sabar kélanan. Urang damai baé ayeuna mah. Batan Néng Susi dibikeun deui ka salakina, mending urang karawin wé ku duaan, yu!

 

 

 

Among

Oh, teu bisa! Pamajikan aing ogé aya sapuluhna.

 

Among ngahuit, ngageroan pamajikanana. Bring, sababaraha urang wanoja asup ka satengahing aréna.

 

 

Among

Tah ieu pamajikan-pamajikan aing téh, euy. Diantarana anu ieu ngaranana Nyai Guswati, urang Pabuaran. Nénéng Rostika, urang Suka Galih. Déwi kancana, urang Caringin. Lina Kurniati, urang Simpar. Ida Nurlaéni, urang Pagadén.

 

Béh Sarmud

Ménta euy hiji!

 

Among

Heueuh da udud.

 

Sarkowi

Hayang eung pun uing!

 

Among

Néangan kaituh sorangan!

 

Kuwu Éon

Bisa kenalan?

 

Among

Tidak la yaw.

 

Kuwu Éon

Na sia téh sombong-sombong teuing. Aing ogé pamajikan mah loba jeung gareulis deuih.

 

Kuwu Éon ngahuit,  ngageroan pamajikanana. Torojol  sababaraha urang béncong ka satengahing aréna

 

Kuwu Éon

Naha bet daratang nu kararieu, euy ?

 

Béh Sarmud

Moal enya hilap deui, juragan. Ieu Winceu, ditikah minggon kamari ku Juragan. Ieu Nani, sasih kamari nikahna di kolong jambatan. Éta mah anu tadi wengi ti jalan Sumatra téa. Saha sih ngaran téh? poho deui yeuh…

 

Béncong

(halon) Ali.

 

Béh Sarmud

Saha?

 

Béncong

 (beuki halon) Ali.

 

Béh Sarmud

Saha ?

 

Bencong

Aliiii, goblog! (tarik pisan, ngagunakeun sora lalaki)

 

Sarkowi ngagorowok.

 

 

Sarkowi

Juragan, anu démo tos maledogan kaca !

 

Kuwu Éon

Mana kaca? Eh enya, poho deui baé. Apan ieu téh caritana mah kaca.

 

Among

Enya sok, geura bikeun Néng Susi, rék dikawin ku aing, aéh… rék dibikeun ka salakina yang berhak.

 

Kuwu Éon

Dibayar sabaraha sih manéh?

 

Among

Dibayar mahal pisan. Ku haté sanubari anu pangjerona.

 

Kuwu Éon

Alus ieu mah produk anu démo téh. Kaluaran PT naon euy? Ti PT Heuras genggerong, lain?

 

Among

Ngahina siah! Ku aing dititah asup anu démo téh geura!

 

Kuwu Éon

Sarmuud!

 

Béh Sarmud

Siap, juragan.

 

Kuwu Éon

Geroan diréktur PT Heuras Genggerong!

 

Béh Sarmud

Mangga.

 

Sarmud kaluar ti aréna, teu lila asup deui bari ngiringkeun lalaki anu maké dasi. Taya lian Dén Agus, diréktur PT. Heuras Genggerong.

 

Kuwu Éon

(Ka Among) Antos heula sakedap, nya.

 

Among

Rék naon?

 

Kuwu Éon

Ieu rék pesen anu démo, keur tandingan anu démo di luar.

 

Among

Oh, mangga, mangga.

 

Dén Agus

Aduh, juragan. Kaleresan ayeuna téh barudakna aya anu ngaboking.

 

Kuwu Éon

Diboking ku saha?

 

Dén Agus

Éta, ku Mang RT. Apan manéhna diduduh ngajual taneuh rakyat. Lah paling ogé sapoéeun démona ogé.

 

Kuwu Éon

Ari ayeuna kosong pisan?

 

Dén Agus

Aya sih, namung pangaosna rada awis.

 

Kuwu Éon

Sabarahaan hijina euy?

 

Dén Agus

Anu atos-atos mah Lima jutaan, juragan.

 

Kuwu Éon

Bisa nganjuk?

 

Dén Agus

Kedah kés, juragan.

 

Kuwu Éon

Kela atuh. (Ka Among) Kira-kira sabaraha urang anu démo di luar téh?

 

Among

Aya saratus rébu urang mah.

 

Kuwu Éon

Jadi, déwék kudu ngeprak nu démo leuwih ti saratus rébu, nya?

 

Among

Kumaha manéh, baé.

 

Kuwu Éon

Tah enya, Déwék pesen saratusrebu urang pleus émbohan hiji. Sabarahaeun nya kabehannana?

 

Den Agus

(ngaluarkeun pulpén jeung keretas) Lima juta dikali saratus rébu sama dengan limaratus lima puluh juta, juragan.

 

Kuwu Éon

Bayar, Mud!

 

Béh Sarmud

Séép artos kas-na ogé, juragan.

 

Kuwu Éon

Dipaké naon sih?

 

Béh Sarmud

Apan dianggo démo basa mangkukna, sareng dianggo nikah ongkoh ku juragan.

 

Kuwu Éon

Kéla. Ieu imah lamun dijual moal aya limaratiusjutaeun mah. Jadi…

 

Among

Pasrahkeun Néng Susi. Teras lungsur tina jabatan kuwu.

 

Kuwu Éon

Enya kitu baé atuh hadé. Ayeuna mah Déwék rek api-api gering parna baé. Ngarah euweuh anu ngagugat. Sakurang-kurangna bakal kararunyaeun meureun ka Déwék, ari ningali ngadepuk di rumah skit mah. Hidup rumah sakit…!

 

Béh Sarmud

Ari jisim abdi kumaha, juragan?

 

Kuwu Éon

Mending masrahkeun diri baé kanu berwajib. Tapi tong dibéjakeun Déwék gering bobodoan nya!

 

Ukro

Ari pribados?

 

Kuwu Éon

Nyao, lah.( sambil keluar dari arena)

 

Among

Tah ayeuna mah geus kasaksian meureun ku saréréa, contona jalma sarakah téh bakal kitu pamustungannana. Keun baé da nepi ka iraha baé ogé moal tenang hirupna téh. Matakna keur aranjeun kabéh, leuwih hadé geura tobat jeung babalik pikir. Hirup geura pindah kana jalan anu bener. Pinasti bakal manggih kabagjaan dunya jeung ahérat.

 

Béh Sarmud

Ah, Jisim abdi badé babalik pikir baé ayeuna mah. Bosen nuturkeun anu teu eucreug téh geuning.

 

Sarkowi

Pun uing oge sarua, rék babalik pikir.

 

Ukro

Hidup babalik Pikir!

 

Koor

            Hiduuuuuuup !

 

Néng Susi muncul ti sisi kénca, Jang Isud muncul ti sisi katuhu.

 

            Isud

            Néng Susiiii….!!!

 

            Néng Susi

            Kang Isuuud sayang….!!!

 

Duanana lumpat rék silih rangkul. Tapi ahirna mah Jang Isud ngarangkul Buruy, demi Néng Susi ngarangkul Néng Cucu.

 

 

            Among

Wayahna dina carita longsér mah teu kudu pipilueun nyieun adegan ngadu pamatuk sagala! Sakitu anu kapihatur, hapunten tina samudayaning kakirangan sareng kalepatan simkuring saparakanca. Tina nongton longsér, mugia sagala urusan sing lungsur-langsar, kalayan urang pungkas ku ngucapkeun:

 

Koor

Alhamdulillahirobbil ‘alamiin…

 

 

Réngsé

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...